U NGA SWI KOTA KU HLULA KU HLATIYELA
Swa Koteka Ku Hanya Wutomi Lebyi Ngeke Na Ku Hlatiyela
Swilayu leswi nga Bibeleni swi nga ku pfuna ku pumba ku hlatiyela. Hine ha wuswezru a hi nge swi koti ku susa hinkwaswu leswi hi hlatiyelisaka. Kambe Muvumbi wezru a nga swi kota. Nakone a patsre ni ku hlawula mhunu akuva a ta hi pfuna. Mhunu lweyo hi Yesu Kriste. Ku nga li khale, a ta yentxa mintxhumu ya ku hlamalisa swinene a misaveni hinkwayu ku tlula leyi a nga yi yentxa nkama na a ha li lani misaveni. Hi xikombiso:
YESU A TA HANYISA TIMBABYI.
‘Va mu tisela hinkwavu lava ku vabya . . . kutani a va hanyisa.’—MATTHEO 4:24.
YESU A TA NYIKA VHANU HINKWAVU MBANGU WA KU TSRHAMA NI SWAKUDA.
‘[Lava taka fumiwa hi Yesu] va ta yaka tiyindlu, va tsrhama ku tone; va ta byala mivinya, va va va da ni mihandzru ya yone. Va nga ka va nga yaki tiyindlu, ku tlhela ka ta tsrhama mun’wana ku tone; va nga ka va nga byali, ku tlhela ka ta da mun’wana.’—EZAYA 65:21, 22.
YESU A TA FUMA A VA A TISA KU ZRULA NI KU SIZRELELEKA A MISAVENI HINKWAYU.
‘A minkameni yakwe, lwe wa ku lulama a ta hluka; ni ku yandzra ka ku zrula loko hweti ye he kone. Yi ta fuma ku sukela likhulwini ku ya tlhasa likhulwini, ni ku sukela nambyeni, ku ya tlhasa wugan’wini bya misava. . . . A valala va yone va ta kozra ntsrhuzri.’—AMAPSALMA 72:7-9.
YESU A TA HELISA WUSOMBOLOKI.
‘Yi ta va ni lilondzro ku swisiwana, ni le ku lwe wa ku pfumala. Yi ta huluxa mahika ya lava ku pfumala. Yi ta tizrula mahika yavu a ku xanisiweni ni le ku wutleliweni.’—AMAPSALMA 72:13, 14.
YESU A TA HELISA KU XANISEKA NI LIFU.
‘Ku fa ku nga hi vi kone; ku nga ha vi na nkosi, ni ku bongosa, ni ku vaviseka.’—APFULETELO 21:4.