Xibukwana Xa Ntlhanganu Wa Wutomi Ni Wutizreli—2025 | Julhu

28 KA JULHU–3 KA AGOXTO

AMAPROVERBIA 24

Lisimu 38 Ni Xikhongoto | Mazritu Ya Ku Pfula (1 min.)

WUKOSI BYI NGA BIBELENI

1. Titiyisi Akuva U Kota Ku Lavisana Ni Swikazratu

(10 min.)

Ku kuma wutivi ni wutlhazri (Pr 24:5; Perspicaz vol-2 p. 642 § 4)

Khomelela ka xiyimiso xaku xa moya nambiloko u hele ntamu (Pr 24:10; Sentinela 15/12/2009 p. 18 §§ 12-13)

Lipfumelo ledzri tiyiki ni ku zrandzra Yehovha swi hi pfuna ku hlula swikazratu (Pr 24:16; Xihondzro Xa Ku Zrindzra 12/2020. p. 15)

Makwezru wa xisati lweyi a nga ni mavabyi lamakulu, a tizraka na a nyonxile kun’we ni munghanu wake a ku zrezreni hi muti ni muti. A komba wansati wa kukazri dzrungula dzra Bibele ka tableti a kaya kwake.

2. Tindzralama Ta Moya

(10 min.)

Pr 24:27—Xana ndzrimana leyi yi hi pfunisa kuyini? (Sentinela 15/10/2009 p. 12)

Nhlamulo
He tini tindzralama ta moya leti u ti kumiki a ku dondzreni ka Bibele ka vhiki ledzri?

Nhlamulo

3. Ku Dondzra Ka Bibele

(4 min.) Pr 24:1-20 (th dondzro 11)

TIHITE A NTIZRWENI WA NSIMU

4. Ku Sungula Mabulu

(2 min.) KU NYIKELA WUMBONI BYA XITXHUKETA. Ku gama mabulu na u nge si mu zrezrela. (Zrandzra Vhanu dondzro 2 mhaka 4)

5. Ku Sungula Mabulu

(3 min.) HI MUTI NI MUTI. (Zrandzra Vhanu dondzro 3 mhaka 4)

6. Ku Sungula Mabulu

(3 min.) KU ZREZRA KA LE LIVALENI. Byela mhunu mayelanu ni xidondzro xa Bibele u tlhela u mu nyika kartawu dzra ku kombela xidondzro xa Bibele. (Zrandzra Vhanu dondzro 4 mhaka 3)

7. Wukaneli

(3 min.) Zrandzra Vhanu xiyengetelo A mhaka 11—Nhlokomhaka: Xikwembu Nkulukumba A Vulavula Na Hine. (th dondzro 6)

KU HANYA SWANGA VAKRISTE

Lisimu 99

8. Pfunanani Hi Nkama Wa Swikazratu

(15 min.) Ku bulisana ni vayingiseti.

Ntungu, mhangu ya ntumbuluku, mpfilumpfilu, yimpi kumbe ku xanisiwa swi nga ha humelela na hi nga swi yimelanga. Loko vakriste va kumana ni swikazratu swa ku fana ni leswi, va tsrhindzrekelelana akuva va tiyisana va tlhela va pfunana. Leswi liki, nambiloko swi nga humelelanga hine hi ku kongoma, ha vaviseka loko hi vona vamakwezru na va li ka swikazratu leswo, xileswo hi yentxa hinkwaswu akuva hi va pfuna.—1Ko 12:25, 26.

Collage: Vamakwezru lava pfunaka vakriste kulobye hi tindlela ta ku siyanasiyana. 1. Vamakwezru lava pfuxetaka Yindlu Ya Wugandzreli leyi hohlotiwiki hi mhangu ya ntumbuluku. 2. Vamakwezru lava yamukelaka mamana wa kukazri ni n’wanake wa xisati va tsrutsrumaka yimpi. 3. Makwezru wa xisati lweyi a petaka xihanano ka bokisi dzra swihanano a Ndlwini Ya Wugandzreli. 4. Vamakwezru va nyikaka vakriste kulobye lava tsrutsrumiki yimpi leswi va swi vilelaka a Ndlwini Ya wugandzreli. 5. Vamakwezru lava tizraka hi ku swi zrandzra va nyikelaka mati hi swigadzrana. 6. Makwezru lweyi a khongotaka.

Dondzra 1 Tihosi 13:6 na Yakobe 5:16b. U gama u hamba xivutiso lexi landzrelaka ka vayingiseti:

Ha yini swikhongoto swa malandzra ya Xikwembu Nkulukumba swa ku kombelela van’wana swi ni ntamu?

Nhlamulo

Dondzra Marka 12:42-44 ni 2 Vakorinte 8:1-4. U gama u hamba xivutiso lexi landzrelaka ka vayingiseti:

Nambiloko hi nge na swinyingi swa ku swi nyikela a ntizrweni wa misava hinkwayu swa ku pfuna vamakwezru lava pfumalaka, ha yini hi nga fanelanga ku tsrhika ku swi yentxa?

Nhlamulo

Txhaya VHIDIYU ledzri liki Ku Va Ni Wumun’we Nambiloko Ntizro Wu Yilisiwa. U gama u hamba swivutiso leswi landzrelaka ka vayingiseti:

I ku tikazrata kwini loku vamakwezru va ku yentxiki akuva va pfuna vakristekulobye lava a va tsrhama a Europa Central lani ntizro wezru a wu tsimbisiwa?

Nhlamulo
Nambileswi a va tsimbisiwa ku gandzrela Yehovha, xana vamakwezru va xi yingisete hi ndlela yini xitsratsriyo xa leswaku va tlhangana akuva va tiyisana?—Heb 10:24, 25

Nhlamulo