Ndlela ya ku susa londzrovoto loko u dondzra buku ledzri
Ku sungula kambisisa leswi buku dzri tameliki swone. Ntsrhaku hlalela VHIDIYU.
XIYENGE XA KU SUNGULA
Akuva u lulamisela xidondzro, dondzra yava dzrin’wana ni dzrin’wana xikan’we ni xivutiso xa dzrone A) ni tindzrimana ta kone B) leti kandzrakanyaka tinhla ta lisima. Xiya leswaku tindzrimana tin’wana ti fungiwile hi zritu ledzri liki “dondzra”.
XIYENGE XA LE XIKAZRI
A mazritu ya ku sungula C) a hansi ka zritu ledzri liki Kelisisa ma tlhamuxela leswa ha landzrelaka. Swinhlokwanamhaka D) swi longoloxa timhaka leti ku taka buliwa ha tone. Wene ni mudondzrisi waku, dondzrani matsralwa, u hlamula swivutiso u va u hlalela mavhidiyu.
MAVHIDIYU ma kombisiwaka ka buku ledzri, ma ku pfuna kuva u twisisa ku yampswa leswi u swi dondzraka. Mavhidiyu mambeni ma kombisa leswi swi samiki swi yentxeka. Kasi mambeni ma kombisa leswi kalaka swi nga yentxekanga kambe ma dondzrisa leswi pfunaka ka swiyimu swa hakakunene.
Kambisisa mifoto kun’we ni mazritu lama tlhamuxelaka mifoto yoleyo E), u tlhela u yanakanyisisa hi leswi a wu ta yangulisa xiswone ka xiyenge lexi liki: “Van’we Va Li” F).
XIYENGE XA WUGAMU
Nkatsrakanyu ni Mpfuxeto G) swi songa xidondzro. Tsrala siku ledzri u hetiki dondzro ha dzrone. A xiyenge lexi liki Lwela leswi H) xi ku komba leswi u fanelaka ku lwela ku swi yentxa. Xiyenge lexi liki Handzrisisa I) xi tamele tinhlokomhaka timbeni leti u nga ti dondzraka ni mavhidiyu lawa u nga ma hlalelaka loko u swi djula.
Leswi Nga Ndzreni Ka Buku Ledzri
|
|
|
|
|
Ndlela ya ku kuma tindzrimana ta Bibele
Bibele dzri vumbiwa hi 66 wa mabuku ya matsrongo. Dzrone dzri yaviwe hi swiyenge swibidzri: Matsralwa ya Xiheberu ni ya Xi-aramayika (“Testamente Dzra Khale”) ni Matsralwa ya Wukriste ya Xigriki (“Testamente Ledzrimpswha”).
Loko ku tsrhahiwa tsralwa ka buku ledzri, u ta dzri vona hi vito dzra buku dzra Bibele A), ku gama ku landzrela ndzrima B), ni ndzrimana kumbe tindzrimana C).
Hi xikombiso, Yohan 17:3 yi hlaya buku dzra Yohan, ndzrima 17, ndzrimana 3.