KU HANYA SWANGA VAKRISTE

Misava ‘Mi Mite Nambu’

A mimfumu ya misava leyi mi pfune vhanu va Yehovha hi malembe manyingi. (Ezr 6:1-12; Est 8:10-13) Nambi masikwini yezru, hi vona ‘misava’—swiyenge swa xiyimu lexi xa misava—yi mita ‘nambu’ lowu tisaka nxaniso, lowu vangiwaka hi ‘dragona’, Sathana Diyavulosi. (Mpf 12:16) Yehovha, ‘Xikwembu Nkulukumba lwa huluxaka’, a nga khumba mbilu ya vafumi ni ku va tizrisa leswaku va pfuna vhanu vakwe.—Ps 68:20; Pr 21:1.

Kutani, swi li yini loko ho khomiwa hi kola ka lipfumelo dzraku? Tiyiseka leswaku Yehovha a na wene. (Gn 39:21-23; Ps 105:17-20) Lipfumelo dzraku dzri ta hakeliwa nakone xikombiso xaku xi ta tiyisa vamakwezru a misaveni hinkwayu.—Flp 1:12-14; Mpf 2:10.

HLALELA VÍDEO LEDZRI LIKI VAMAKWEZRU VA LE COREIA VA HUMEXIWA DJELE, MI GAMA MI HLAMULA SWIVUTISO LESWI LANDZRELAKA:

Ha yini tiko dzra Coreia do Sul dzri pfalele vamakwezru vanyingi ku dzringana malembe ya ku tala?
He swini swiboho swa swihubyana swi pfuniki vamakwezru ku hatla va ntsrhunxiwa?
Hi nga va pfunisa kuyini vamakwezru lava pfaleliwiki hikola ka lipfumelo dzravu?
Hi nga wu tizrisa hi ndlela yini ntsrhuxeko lowu hi nga na wone swoswi?
I mani lweyi a hi pfunaka kuva hi humelela loko hi li tihubyeni?

Djele lomu ku samiki ku pfaleliwa Timboni ta Yehovha; mapapela ya Timboni ta Yehovha lama zrumeliwiki zrwavini dzra le Coreia ka vamakwezru lava faka va pfaleliwile; tatana a xingazraka n’wana lwa ntsrhuxiwiki djele — Ni wu tizrisa hi ndlela yini ntsrhuxeko lowu ni nga na wone?