U Nga Dondzra Yini Ka Vamakwezru Lava Nga Ni Malembe Na Va Tizrela Yehovha Hi Ku Dumbeka?

A mabandleni hi kuma vamakwezru lava tizreliki Yehovha hi malembe manyingi. Hi nga dondzra swinyingi kwavu hi ku dumba loku va nga na kone ha Yehovha. Hi nga dondzra wudzrunguli byinyingi bya nhlengeletanu ya Yehovha, swikazratu va viki na swone ni ndlela leyi va swi hluliki ha yone hi mpfunu wa Yehovha. Hi nga zramba mun’we wa vamakwezru lava, kuva a hi dzrungulela mimfambu yakwe ka Wugandzreli byezru bya Ndangu.

Loko u li ni malembe manyingi na u tizrela Yehovha hi ku dumbeka, ntsrhunxeka ku dzrungulela lava ha liki vampswha ta lipfumelo dzraku. Yakobe na Yosefa va dzrungulele vatukulu vavu hi lipfumelo dzravu. (Gn 48:21, 22; 50:24, 25) Yehovha a lelete tinhloko ta mindangu ku dondzrisa vana hi mintizro yakwe ya ntamu. (Dt 4:9, 10; Ps 78:4-7) Ni namunhla, vapswele ni vambeni bandleni va nga tluleta lava ha liki vatsrongo mintxhumu ya ku hlamalisa leyi va voniki Yehovha a yi hetisisa hi ku tizrisa nhlengeletanu yakwe.

HLALELANI VÍDEO LEDZRI LIKI KU VA NI WUMUN’WE NAMBI LOKO NTIZRO WU YILISIWA, MI GAMA MI HLAMULA SWIVUTISO SWI LANDZRELAKA:

• Xana a Betele dzra Áustria dzri va pfunise kuyini vamakwezru ka matiko ya kukazri lomu a ntizro wezru afaka wu yilisiwa?

• Vamakwezru lavo va dzri tiyisise kuyini lipfumelo dzravu?

• Ha yini vamakwezru vanyingi va Romênia va titsravuxile ni nhlengeletanu ya Yehovha, nakone i yini xi va yentxiki va tlhelela?

• Mimfambu leyi yi dzri tiyisisa kuyini lipfumelo dzraku?