Dzrumisa Yehovha Hi Ntizro Wa Wuphayona

Va-Israyele va ve ni swivangelo leswi twalaka swa ku dzrumisa Yehovha. A va humexe a Egipta a tlhela a va huluxa ka khandzra dzra Faro! (Eks 15:1, 2) Ni namunhla Yehovha a ha ya mahlweni a kombisa wunene ka vhanu vakwe. Hi nga ku kombisisa kuyini ku tlangela?​—Ps 116:12.

Yin’we ya tindlela i ku tizra swanga phayona dzra ku pfunisa kumbe dzra nkama hinkwawu. Hi nga khongota hi kombela ku va ni mbilu ya ku tizra swanga phayona ni ku byi hetisisa. (Flp 2:13) Vanyingi va talisa ku sungula hi wuphayona bya ku pfunisa. Ka tiwheti ta Marsu ni Abrili, kumbe hi wheti ya vhiki dzra ku hlawuleka u nga ha hlawula ku tizra 30 kumbe 50 wa mawora. Ntsrhaku ka loko u nampswe wuphayona bya ku pfunisa, swi ta yentxa u navela wuphayona bya nkama hinkwawu. Nambi lava va khomekiki ngopfu hi ntizro wavu wa ku tihanyisa kumbe lava va vabyaka va nga swi kota ku nghenela ntizro wa wuphayona bya nkama hinkwawu. (Xiyimiso Xa Mintlhangano xa 07/2016 p. 8) Nakunene, Yehovha a yi nyika lisima mizamu hinkwayu leyi hi yi yentxaka akuva hi mu dzrumisa!​—1Mk 16:25.

HLALELANI VÍDEO LEDZRI LIKI VAMAKWAVU VAZRAZRU A MONGÓLIA, MI GAMA MI HLAMULA SWIVUTISO LESWI LANDZRELAKA:

• 

  Hi swini swikazratu leswi vamakwavu lava vazrazru va viki na swone, nakone va swi hlulise kuyini akuva va va maphayona?

• 

  Hi wani matovoko va viki na wone?

• 

  Hi yini mikhandlu yi va pfulekeliki hi kola ka ntizro wa wuphayona?

• 

  Xikombiso xavu xi va khumbise kuyini vambeni?