Tindlela Tizrazru Ta Ku Djuletela Mpfunu Wa Yehovha

Davhida a hlule Goliyati hikusa a a dumba Yehovha. (1Sa 17:45) Yehovha a djula ku kombisa ntamu wake hi ku pfuna malandzra yake hinkwawu. (2Mk 16:9) I yini lexi nga hi pfunaka kuva hi dumba Yehovha amatsrhan’wini ya ku dumba wuswikoti ni mfambu wezru? Hi leyi mintxhumu yizrazru:

• Khongota. U nga khongoti ntsena loko u djula ku kombela ku dzrivaleliwa ntsrhaku ka loko u hambe xidoho, kambe khongota akuva u kombela mpfunu loko u kumana ni mindzringo. (Mt 6:12, 13) U nga khongoti u kombela matovoko ka swiboho leswi u swi yentxiki, kambe khongota u kombela nkongomiso ni wutlhazri na u nga si na teka swiboho.—Yk 1:5

• Vana ni xiyimiso lexinene xa ku dondzra Bibele. Dondzra Bibele siku ni siku. (Ps 1:2) Yanakanyisisa hi swikombiso swa le Bibeleni u va u tizrisa leswi u swi dondzraka. (Yk 1:23-25) Tilulamisele ha hombe na u nga si na ya nsin’wini, amatsrhan’wini ya ku dumba leswi u buyaka na u swi tiva hi masiku. Lulamisela mintlhanganu akuva u ta ya susa londzrovoto ledzrikulu

• Fambisana ni nhlengeletanu ya Yehovha. Dondzra minkongomiso leyimpswha leyi nyikeliwaka hi nhlengeletanu ya Yehovha u va u tekela ku yi landzra. (Tin 9:17) Yingiseta vakulu va bandla loko va ku nyika swilayu ni minkongomiso.—Hb 13:17

HLALELANI VÍDEO LEDZRI LIKI A HI NA XIVANGELO XA KU TXHAVA LOKO HI XANISIWA, MI GAMA MI HLAMULA SWIVUTISO LESWI LANDZRELAKA:

• I yini leswi yentxiki kuva vamakwezru va txhava?

• I yini lexi va pfuniki kuva va hlula ku txhava koloko?