1-7 KA ABRILI
AMAPSALMA 23-25
Lisimu 4 Ni Xikhongoto | Mazritu Ya Ku Pfula (1 min.)
1. “Yehovha I Mubyisi Wanga”
(10 min.)
Yehovha awa hi kongomisa (Ps 23:1-3; Sentinela 01/05/2011 p. 31 § 3)
Yehovha awa hi sizrelela (Ps 23:4; Sentinela 01/05/2011 p. 31 § 4)
Yehovha awa hi disa (Ps 23:5; Sentinela 01/05/2011 p. 31 § 5)
Yehovha awa zron’weka ha hine ku fana ni mubyisi lwa zron’wekaka hi tihamba take.
TIVUTISE: ‘Xana ni ke ni swi vona leswaku Yehovha awa zron’weka ha mine a wuton’wini byanga?’
2. Tindzralama Ta Moya
(10 min.)
Ps 23:3—I yini ‘mintila ya ku lulama’ nakone i yini lexi nga hi pfunaka kuva hi nga suki ka yone? (Sentinela 15/02/2011 p. 24 §§ 1-3)
He tini tindzralama ta moya leti u ti kumiki a ku dondzreni ka Bibele ka vhiki ledzri?
3. Ku Dondzra Bibele
(4 min.) Ps 23:1–24:10 (th dondzro 5)
4. Ku Sungula Mabulu
(3 min.) KU NYIKELA WUMBONI BYA XITXHUKETA. Dondzra ndzrimana ya Bibele leyi kutxanaka ni mhunu lwa vilelisiwaka hi ku honeteliwa ka ntumbuluku. (Zrandzra Vhanu dondzro 2 mhaka 5)
5. Ku Hamba Timpinda
(4 min.) HI MUTI NI MUTI. Kombisa ndlela leyi xidondzro xa Bibele xi fambisiwaka ha yone ka mhunu lwa yamukeliki xibukwana lexi liki Hanya Hi Ku Nyonxa! (Zrandzra Vhanu dondzro 9 mhaka 3)
6. Ku Yentxa Vadondzrisiwa
Lisimu 54
7. A Hi Yingiseti Zritu Dzra Mhunu Lweyi Hi Kalaka Hi Nga Mu Tivi
(15 min.) Ku bulisana ni vayingiseti.
A tihamba ta dzri tiva zritu dzra mubyisi wa tone. Kambe loko ti twa zritu dzra mhunu lweyi ti kalaka ti nga mu tivi to tsrutsruma. (Yh 10:5) Hi lani ku fanaka, na hine hi yingiseta zritu dzra Yehovha na Yesu ku nga vabyisi vezru lava nga ni lizrandzru ni lava dumbekaka. (Ps 23:1; Yh 10:11) Kambe a hi yingiseti zritu dzra mhunu lweyi hi kalaka hi nga mu tivi lwa dzringisaka ku tsranisa lipfumelo dzrezru hi ku hi byela “mazritu lama kanganyisaka”.—2Pe 2:1, 3.
Ka buku dzra Genesis ndzrima 3, ku vulavuliwa hi khambi dzra ku sungula lani ku twaliki zritu lani misaveni dzra mhunu lwa kalaka a nga tiviwi. Sathana a vulavule na Evha hi ku tizrisa nyoka, xileswo Evha a a nga ta swi tiva leswaku hi mani lweyi nakunene a vulavulaka na yene. A tihambe munghanu wa Evha, hi ku yentxa leswo, a txintxe mazritu ni nkongometo wa Yehovha. Lexi vavisaka, hi leswaku Evha a mu yingisetile Sathana, nakone leswo swi yentxe leswaku yene a xaniseka kun’we ni ndangu wake.
Namunhla, Sathana a dzringisa ku byala ku ganaganeka a miyanakanywini yezru mayelanu na Yehovha kun’we ni nhlengeletanu yake. A yentxa leswo hi ku hangalasa madzrungula ya ku biha, a hlaya mintxhumu leyi tikombaka ingiki i ntiyiso na kasi i madzrimi ni ku hangalasa madzrimi lama hambukisaka vhanu. Loko hi yingela zritu ledzri hi kalaka hi nga dzri tivi, hi fanela ku tekela ku tsrutsruma! Swi ni khombo ku swi yingiseta nambi kova swa xinkamana. Ka nkamanyana lowu Sathana a buliki na Evha, i mazritu mangani lawa a ma tizrisiki akuva a mu kanganyisa? (Gn 3:1, 4, 5) Loko a li leswaku mhunu lweyi a djulaka ku hi komba madzrungula ya ku biha mayelanu ni nhlengeletanu ya Yehovha ha mu tiva, awa hi zrandzra nakone a ni nkongometo lowunene ke?
Txhaya VHIDIYU ledzri liki U Nga Yingiseti Zritu Dzra Vambe. U gama u hamba xivutiso lexi landzrelaka ka vayingiseti:
U dondzre yini ka ndlela leyi Judite a bulisaniki ha yone ni mamana wake?