Tizrisa Bibele Swanga Xipelhu

Mudondzrisiwa Yakobe a fananise Bibele ni xipelhu lexi hi pfunaka ku vona leswi hi nga xiswone he ndzreni. (Yak. 1:22-25) He yini ndlela leyinene ya ku tizrisa Bibele swanga xipelhu?

Dondzra hi wunyaminyami. Loko hi tilavisa hi ku kahlula ka xipelhu, swi nga yentxeka hi nga swi koti ku vona leswi hoxekiki ka ndlela leyi hi langutekaka ha yone. Hi lani ku fanaka, loko hi dondzra Bibele hi ku kahlula, a hi nge ti swi vona leswi hi fanelaka ku swi yampswisa ka wumhunu byezru.

Tilavisi wene n’winyi, ku nga li ku lavisa van’wana. Loko hi kombeta xipelhu ka mhunu mun’wana hi kota ku vona leswi hoxekiki ka ndlela leyi a langutekaka ha yone. Ntxhumu lowu fanaka wa yentxeka loko hi dondzra Bibele na hi pimisa hi leswi van’wana va fanelaka ku swi yampswisa. Leswo a swi nge ti hi pfuna ku yampswisa wumhunu byezru.

Dzringanisela. Loko hi tilavisa ka xipelhu hi va hi beka miyanakanyu yezru ka leswi hi kalaka hi nga swi zrandzri, hi nga hela ntamu. Ni loko hi dondzra Bibele hi fanela ku dzringanisela. A hi fanelanga hi yimela swinyingi kwezru ku tlula leswi Yehovha a swi yimeliki.—Yak. 3:17.