Tizrisa “Nyiko [Yaku] . . . Ya Moya”

Hinkwezru hi swi zrandzra ngopfu ku tiyisiwa ni ku kutxiwa loko hi li ni vamakwezru. A Bibele dzri hlaya leswaku a wuswikoti bya ku tiyisa lipfumelo dzra mun’wana i “nyiko . . . ya moya”. (Rom. 1:11, 12) Kambe ku kutxana a swi gameli ntsena ka kuva hi va xikan’we. Hi nga yentxa yini akuva hi tiyiseka leswaku ha yi tizrisa nyiko leyo?

Kutxa van’wana hi mazritu yaku. Hi xikombiso, loko u nyikela tinhlamulo a mintlhanganwini, tivoneli kuva u nga vulavuli ngopfu hi mavonela yaku kumbe hi wutomi byaku. A matsrhan’wini ya leswo, vulavula hi leswi u swi dondzriki ha Yehovha, a Bibeleni ni hi malandzra yake ya ku dumbeka. Nakone loko u bula ni vamakwezru u nga ha vulavula hi leswi tiyisaka lipfumelo dzraku ni dzravu.

Tiyisa van’wana hi swiboho leswi u swi tekaka ni hi mintizro yaku. Vamakwezru van’wana va tikazratela ku tama va va ka ntizro wa nkama hinkwawu nambiloko va kumana ni swikazratu. Kasi van’wana va nyikela xikombiso lexinene hi ku va kone mintlhanganwini minkama hinkwayu nambiloko va ni swikazratu swa lihanyu kumbe loko va titwa na va kazralile ntsrhaku ka loko va tizre ngopfu hi siku ledzro.

Loko u kumana ni xin’we xa swiyimu leswi nambiloko swi ku kazratela, xikombiso xaku xi tizra akuva xi kutxa vamakwezru. U swi vonisa kuyini? Xana wa va kutxa vamakwezru hi leswi u swi hlayaka ni ku swi yentxa? Wene ke, xana wa swi xiya loko vamakwezru va ku kutxa hi mazritu ni hi swiyentxo swavu?