XIYENGE 7

Yesu Afa A Li Mani?

Yehovha a rhumeli Yesu amisaveni. 1 Yohan 4:9

Yesu a li vokweni dzra xinene dzra Xikwembu Nkulukumba a matilweni

Loko hi djula ku nyonxisa Yehovha, ku djuleka hi yingiseta mhunu mun’wana wa lisima. Na a nga si tumbuluxa Adamu, Yehovha a tumbuluxi ntrumi ya ntamu amatilweni.

Maria na a li ni nyimba ntsrhaku a pswala Yesu

Hi ku famba ka nkama, Yehovha a yi rhumeli ku ta belekiwa aBethlehem hi nhwanyana lweyi a vitaniwaka Mariya. N’wana lweyi a txhuliwi vito dra Yesu.—Yohan 6:38.

Loko a ha li la misaveni, Yesu a kombisi matrhamela ya Xikwembu Nkulukumba hi ku hetiseka. Afa a li ni wumbilu ni lirhandru, a tlhela a nhingeneka. Hi xivindri, afa a dondrisa van’wana xihlayelanfurhi hi Yehovha.

Yesu afa a yentxa leswinene kambe a vengiwile. 1 Petros 2:21-24

Yesu a pfuxa xin’hwanyatana a ku feni nakone a hanyisa wanuna lwa afaka a vabya

Yesu a tlheli a hanyisa lava ku vabya ni ku pfuxa lava ku fa.

Varhangeli va wukhongoti afa va mu venga Yesu hikusa afa a paluxa tindondro tavu ta madrimi ni tindlela tavu ta ku biha.

Varhangeli va wukhongoti va hlohloteli Varoma ku ba Yesu va tlhela va mu dlaya.