Xingheniso Xa Xiyenge 5

Ntsrhaku ka loko ku khalute tihweti tibidzri na va tlulele Lwandle dzra ku Pshwuka, a Vaisrayele va tlhase Nhaveni ya Sinayi. Kohala, Yehovha a hambe xipfumelelanu na vone xa leswaku va va vhanu vake va ku hlawuleka. Yehovha a va sizrelelile a tlhela a va nyika leswi a va swi vilela swa ku fana ni swakuda leswi vitaniwaka mana, mpahla leyi a yi nga hahlukeli ni mbangu lowu sizrelelekiki leswaku va tsrhama ka wone. Loko u li mupswali, pfuna n’wanaku leswaku a twisisa leswaku ha yini Yehovha a nyike Vaisrayele Nawu, tabernakela ni muprista. Mu kombi leswaku ha yini swi ni lisima ku hetisisa leswi hi swi dumbisaka, ku tama hi titsrongahata ni kuva minkama hinkwayu hi va lava dumbekaka ka Yehovha.