KU SUNGULA MABULU
DONDZRO 6
Xixixi
Nsinya wa nawu: “Xikwembu Nkulukumba a hi pfune kuva hi mi byela madzrungula lamanene na hi nga txhavi.”—1 Tes. 2:2.
Leswi Yesu A Swi Yentxiki
1. Hlalela VHIDIYU, kumbe u dondzra Luka 19:1-7, u gama u hlamula swivutiso leswi landzrelaka:
Ha yini vhanu van’wana a va tingawula Zakewu?
Nambi swi li tanu, i yini lexi kutxiki Yesu akuva a mu zrezrela madzrungula lamanene?
Hi Dondzra Yini Ka Xikombiso Xa Yesu?
2. Swi djula hi va ni xixixi akuva hi zrezra madzrungula lamanene ya Mfumu ka vhanu hinkwavu, na hi nge na xihlawuhlawu.
Yetisela Yesu
3. Dumba Yehovha. Moya wa ku xwenga wa Yehovha hi wone wu pfuniki Yesu xileswo wu nga ku pfuna na wene. (Mat. 10:19, 20; Luk. 4:18) Loko u txhuka u txhava ku zrezrela mhunu, kombela Yehovha kuva a ku nyika xixixi.—Mint. 4:29.
4. U nga yavanyisi vhanu. Swi nga yentxeka u ganaganeka ku khanela ni vhanu van’wana hi mhaka ya ndlela leyi va langutekaka ha yone, xiyimu xavu xa timali, ntizro lowu va wu yentxaka, mahanyela yavu kumbe wukhongoti byavu. Kambe dzrimuka leswaku:
Hine a hi swi koti ku dondzra timbilu kambe Yehovha na Yesu va swi kota.
Yehovha a hi komba timpswalu hinkwezru.
5. Vana ni xixixi kambe u vulavula hi ndlela leyinene na u ni wuxiyaxiya. (Mat. 10:16) U nga phikisane na yene. Loko mhunu a yala ku yingiseta dzrungula dzrezru nakone u vona leswaku a xiyimu a xi sizrelelekanga tsremelisa bulu hi ndlela ya xitxhavu.—Amapr. 17:14.