Ku Va Twela

Leswi Yesu A Swi Yentxiki

VHIDIYU: Yesu A Twela Xitsrhungu Wusiwana

1. Hlalela VHIDIYU, kumbe u dondzra Marka 6:30-34, u gama u hlamula swivutiso leswi landzrelaka:

1. Ha yini Yesu ni vapostola vake a va djula ku “ya va wuswavu”?

2. I yini leswi susumeteliki Yesu ku dondzrisa xitsrhungu?

Hi Dondzra Yini Ka Xikombiso Xa Yesu?

2. A ntwelawusiwana wu ta hi susumetela ku zron’weka hi vhanu, ku nga li ntsena hi dzrungula dzrezru.

Yetisela Yesu

3. Yingiseta ha hombe. U nga mu tsremelisi nambi ku swi ba hi makatla leswi mu vilelisaka ni leswi a nga swi pfumeliki. Loko u mu yingiseta ha hombe, a ta swi vona leswaku u swi nyika lisima leswi a swi yanakanyaka.

4. Yanakanya hi lweyi a nyonxelaka. Na u dzrimuka mabulu lawa mi samiki mi va na wone, tivutise leswi:

1. ‘Ha yini swi vilela kuva a yingiseta madzrungula lamanene?’

2. ‘Xana a dondzro ya Bibele yi nga byi yampswisa hi ndlela yini wutomi byake swoswi ni le nkameni lowu taka?’

5. Tizrisa dzrungula ledzri fambisanaka ni leswi a swi vilelaka. U nga hlweli ku mu komba leswaku Bibele dzri nga mu hlamulisa kuyini swivutiso swake ni leswaku dzri nga mu pfuna hi ndlela yini a wuton’wini byake.