Yehovha A Nga Dzrivali Ntizro Lowunene Lowu U Wu Yentxaka

Hinkwezru hi nga yentxa leswinene ka Yehovha leswi a taka swi dzrimuka hi lizrandzru hi la ku nga helikiki. Ku fana ni tatana lwa nga ni lizrandzru lwa nga dzrimukaka ha hombe leswi n’wanakwe a swi yentxiki, swi tasu na Yehovha, a nga dzrivali leswi hi swi yentxaka ni lizrandzru ledzri hi dzri kombisaka ka vito dzrakwe. (Mt 6:20; Hb 6:10) I ntiyiso leswaku hi ni wuswikoti ni swiyimu leswi hambaniki a wuton’wini byezru. Nambitasu, hi nga nyonxa loko hi yentxa leswi hi nga swi kotaka ntizrweni wa Yehovha. (Ga 6:4; Kl 3:23) Hi ku famba ka malembe, vamakwezru va ntsrandzra-vahlayi va tizra a Betele. Xana u nga tinyikela akuva u tizra Betele? Loko swi nga koteki, u nga kutxa van’wana kuva va tizra kone? Kumbe u nga pfuna lwa tizraka Betele kuva a ya mahlweni ni ntizro wakwe wa ku xwenga?

HLALELA VÍDEO LEDZRI LIKI KU TINYIKELA KU TIZRA A BETELE, MI GAMA MI HLAMULA SWIVUTISO LESWI LANDZRELAKA:

• I yini lexi nga hi yentxaka hi navela ku tizra Betele?

• Hi kwini ku nyonxa loku vanyingi va nga nakone hi ku tizra Betele?

• I yini swi djulekaka akuva mhunu fanelekela ku ya tizra a Betele?

• U nga tinyikelisa kuyini akuva u tizra Betele?