YAMPSWISA WUSWIKOTI BYAKU A N’SIN’WINI | YENGETELA A KU NYONXA KWAKU A NSIN’WINI
Ku Khumba Mbilu
Ku yingiseta Yehovha swi fanela ku sukela mbilwini. (Pr 3:1) Xileswo hi fanela ku khumba timbilu ta lava hi dondzraka na vone. Kambe hi nga swi yentxisa kuyini?
A hi fanelanga ku dondzrisa mintiyiso ya Bibele ntsena, kambe hi fanela ku pfuna lweyi hi mu dondzrelaka akuva a tizrisa leswi a swi dondzraka ni ku va a tama a va munghanu wa Yehovha. Mu pfune kuva a twisisa leswaku ndlela leyi Yehovha a djulaka leswaku hi hanya ha yone yi kombisa lizrandzru ni wululami byake. Hi lizrandzru, tizrisa swivutiso akuva a gungula ndlela leyi a titwaka ha yone hi leswi a swi dondzraka. A fanela ku swi twisisa leswaku ku yingiseta Yehovha ni ku yentxa ku ntxintxa a wuton’wini swi pfuna yene. Loko u vona leswaku lweyi u dondzraka na yene a ya a zrandzra Yehovha, u ta ya u nyonxa a ntizrweni waku wa nsimu.
HLALELANI VÍDEO LEDZRI LIKI TSRHAVISIWA HI KU YENTXA VADONDZRISIWA—YAMPSWISA WUSWIKOTI BYAKU—KU KHUMBA MBILU, MI GAMA MI HLAMULA SWIVUTISO LESWI LANDZRELAKA:
Ha yini swi ve swinene kuva Anita a vutise Judite leswaku a nga va na a yanakanyisisile hi leswi va buliki ha swone?
Xana Anita a mu pfunise kuyini Judite kuva a vona leswaku leswi Bibele dzri swi dondzrisaka mayelanu ni ku hamba swa tinkuku na a nga si na txhata swi kombisa leswaku Yehovha awa mu zrandzra?
Loko u khumba mbilu ya lweyi u dondzraka na yene, a ta djula ku tama a va munghanu wa Yehovha
Xana Anita a mu pfunise kuyini Judite ku twisisa leswaku a nga swi kombisisa kuyini leswaku awa mu zrandzra Yehovha?