Xana U Dzri Tizrisa Ha Hombe Awudiyu Dzra Ku Dondzra Ka Bibele?

I yini awudiyu dzra ku dondzra ka Bibele? A awudiyu dzra ku dondzra ka Bibele dzri gravhariwe ka Wundzruluteli Bya Misava Leyimpshwa lebyi pfuxetiwiki. Dzri ya dzri humexiwa hi tindzrimi tinyingi. Lexi pfunaka ngopfu ka awudiyu dzra ku dondzra ka Bibele hi leswaku ku tizrisiwe vhanu va ku hambanahambana ka xiyenge xa mun’wana ni mun’wana. A dzrungula dzri dondzriwa hi ndlela leyinene ni ku kombisa mintlhaveko leyi nyikelaka mongo wa dzrungula dzra Bibele.

Xana van’wana va pfunekise kuyini hi awudiyu dzra ku dondzra ka Bibele? Vanyingi lava yingisetaka awudiyu dzra ku dondzra ka Bibele, va dzri zrandzra hikusa dzri yentxa leswaku Zritu dzra Xikwembu Nkulukumba dzri hanya. Loko va yingiseta vhanu va ku hambanahambana na va dondzra dzrungula dzra Bibele, va nga kota ku vona swiyentxakalu swa le Bibeleni hi matihlu ya miyanakanyu ni ku twisisa leswi swi tsraliwiki. (Pr 4:5) Vanyingi va vona leswaku ku yingiseta awudiyu dzra ku dondzra ka Bibele swa va zrulisa ka ku hlatiyela kwavu.—Ps 94:19.

Ku yingiseta Zritu dzra Xikwembu Nkulukumba na dzri dondzriwa hi zritu dzra le henhla swi nga ha khumba wutomi byezru. (2Mk 34:19-21) Loko ka lidzrimi dzraku ku ni xiyenge xa awudiyu dzra ku dondzra ka Bibele kumbe ledzri heleliki, xana u nga dzri tizrisa ka xiyimiso xaku xa moya?

HLALELANI VHIDIYU LEDZRI LIKI KU GRAVHARIWA KA AWUDIYU DZRA KU DONDZRA KA BIBELE—XITLEPHU, MI GAMA MI HLAMULA XIVUTISO LEXI LANDZRELAKA:

I yini lexi ku nyonxisiki ka ku gravhariwa ka awudiyu dzra ku dondzra ka Bibele?