• Tlangela Nyiko Ya Wutomi
    Hanya Hi Ku Nyonxa Hi La Ku Nga Helikiki!—Xidondzro Xa Ku Bulisana Hi Bibele

    • 5. Bekela lisima wutomi bya n’wana lwa nga siki na pswaliwa

      Wansati a nga ni nyimba a swoswelaka khuzri dzrake.

      Hi ndlela ya ku xonga, Davhida a vulavule hi leswi Yehovha a zron’wekisaka xiswone hi wutomi ni ku kula ka n’wana lwa nga siki na pswaliwa. Dondzrani Amapsalma 139:13-17, mi gama mi bulisana hi xivutiso lexi:

      • A matihlweni ya Yehovha, xana wutomi byi sungula loko wansati a kuma nyimba kumbe loko n’wana kutani a pswaliwile?

      Yehovha a nyikele nawu ka Israyele wa khale lowu a wu sizrelela vamamana ni vanavu lava nga siki na pswaliwa. Dondzrani Eksoda 21:22, 23, mi gama mi bulisana hi swivutiso leswi landzrelaka:

      • Xana Yehovha a mu vonisa kuyini mhunu lweyi hi mphazamu a dlayaka n’wana lweyi a nga siki na pswaliwa?

      • Xana Yehovha a titwisa kuyini loko mhunu o dlaya n’wana lwa nga siki na pswaliwa ha vomu?b

      • Wene ke, u titwisa kuyini hi vonela dzra Xikwembu Nkulukumba a mhakeni leyi?

      Vonani VHIDIYU.

      VHIDIYU: Vona Wutomi Hi Ndlela Leyi Yehovha A Byi Vonaka Ha Yone (5:00)

      Nambi wansati lweyi a yi tlangelaka nyiko ya wutomi, a nga ha txhuka a vona leswaku ku xixa nyimba i ndlela ya ku huma ka timhaka. Dondzrani Ezaya 41:10, mi gama mi bulisana hi swivutiso leswi:

      • Loko wansati a sindzrisiwa ku xixa nyimba, a nga wu kuma kwini mpfunu? Ha yini u hlaya leswo?