5. Hlula swihinga leswi nga ku sivelaka ku babatisiwa

Loko hi hlawula ku tinyiketela ka Yehovha hi va hi babatisiwa, hinkwezru hi kumana ni swikazratu. Akuva u vona xin’we xa swikombiso, vonani VHIDIYU, mi gama mi bulisana hi swivutiso leswi landzrelaka.

VHIDIYU: Ku Zrandzra Yehovha Swi Hi Pfuna Ku Hlula Swikazratu (5:22)

• Ka vhidiyu, he swini swikazratu leswi Narangerel swi djuliki a swi hlula akuva a tizrela Yehovha?

• Ku zrandzra Yehovha swi mu pfunise kuyini ku hlula swikazratu swake?

Dondzrani Amaproverbia 29:25 na 2 Timoteo 1:7, mi gama mi bulisana hi xivutiso lexi:

• I yini xi hi nyikaka xixixi xa ku hlula swikazratu?

Hi fanela ku tiyisa dumbo dzrezru ka Yehovha na ke he swoswi. Tinyiki nkama siku ni siku akuva u khongota u tlhela u dondzra Bibele. U nga lovhi mintlhanganwini. Leswo swi ta ku nyika ntamu akuva hi xixixi u tiyiselela ku xanisiwa, nambi ku li hi maxaka yaku. Mupostola Pawulo, a xanisiwe ngopfu swinene, yene a te: ‘Hosi [Yehovha] i mupfunisi wanga; ndzri nga ka ndzri nga txhavi.’—Ba-Heberu 13:6.

Ntxhumu wun’wana lowu nga hi yengetelelaka xixixi i ku va hi nga lovhi ku zrezreni. Ku zrezra swi hi yengetela ku dumba Yehovha nakone swi tlhela swi hi pfuna ku hlula ku txhava mhunu. (Amaproverbia 29:25) Loko swoswi hi ni xixixi xa ku zrezra, hi fanela ku tiyimisela ku tama hi zrezra nambiloko mimfumu yi dzringisa ku hi yimisa ku zrezra.—1 Ba-le-Thesalonika 2:2.