• Yingiseta Zritu Dzra Yehovha
    Xihondzro Xa Ku Zrindzra (Nhlayu Ya Xidondzro)—2019 | Marsu

    • ‘MU YINGELANI’

      7. Hi ku ya hi Mattheo 17:1-5, a ve ka khambi dzrini laha Yehovha a vulavuliki na a li tilweni, nakone a te yini?

      7 Dondzra Mattheo 17:1-5. A khambi dzra wubidzri ledzri Yehovha a vulavuliki na a li tilweni ku ve loko Yesu ‘a ndzrulutiwa’. Yesu a a zrambe va Petro, Yakob na Yohane ku mu heleketa a nhaveni ya ku leha. Loko va tlhasile, va vone xivoniso xa ku hlamalisa. Liso dzra Yesu dzri phatime dzri ku mpaa ni swiyambalo swakwe swi ndzruluke swi ku keti-keti. Vhanu vabidzri, lava yimelaka Moxe na Eliya, va sungule ku khanela na Yesu hi lifu dzrakwe ni ku pfuxiwa kwakwe, leswi a swi li kusuhi ni ku yentxeka. Nambi leswi vapostola vakwe lavazrazru a va ‘bindzriwa hi vuzrongo’, va vone xivoniso lexi xa ku hlamalisa loko va sisimukile. (Lk 9:29-32) Va game va funeketiwa hi tlavi, va va va twa zritu ledzri humaka a tlavini ledzro​—a a li zritu dzra Xikwembu Nkulukumba! Ku fana ni le ku babatisiweni ka Yesu, Yehovha a kombise leswaku a a nyonxa hi N’wanakwe nakone a a mu zrandzra, hi mazritu lawa: ‘Lwe hi n’wananga lwa zrandzriwaka, lweyi ndzri tsrhavaka ha yene.’ Kambe ka khambi ledzri, Yehovha a yengetele a ku: “Mu yingelani.”

  • Yingiseta Zritu Dzra Yehovha
    Xihondzro Xa Ku Zrindzra (Nhlayu Ya Xidondzro)—2019 | Marsu

    • 9. Hi xini xilayu lexi pfunaka lexi Yesu a nga xi nyika vadondzrisiwa vakwe?

      9 “Mu yingelani.” Yehovha a swi beke livaleni leswaku a djula hi yingiseta mazritu ya N’wanakwe hi va hi ma landzra. Xana Yesu a te yini loko a li la misaveni? A hlaye mintxhumu yinyingi leyi hi fanelaka ku yi yingiseta! Hi xikombiso, hi lizrandzru, a dondzrise valandzreli vakwe ndlela ya ku zrezra madzrungula lamanene, a tlhela a va dzrimuxa hi ku phindha-phindha leswaku va hiteka minkama hinkwayu. (Mt 24:42; 28:19, 20) Handle ka leswo, a va tsratsriye akuva va tikazrata hi ntamu swinene, a tlhela a va kutxa akuva va nga kazrali. (Lk 13:24) Yesu a gongondzrele leswaku ku djuleka kuva vadondzrisiwa vakwe va zrandzranana, va hanya hi ku twanana va tlhela va hlayisa swileleto swakwe. (Yh 15:10, 12, 13) Hakunene xilayu lexi Yesu a xi nyikiki vadondzrisiwa vakwe xi pfuna swinene! Xilayu lexo xa ha tizra ni namunhla swanga hi leswi a xi tizrisa xiswone loko Yesu a xi nyike vadondzrisiwa vakwe.