• Seketela Vamakwezru Va Xisati A Bandleni Dzraku
    Xihondzro Xa Ku Zrindzra (Nhlayu Ya Xidondzro)—2020 | Setembru
    • Yesu a dondzrisaka na a tsrhamile. Marta na Mariya va tsrhame kusuhi na yene va mu yingiseta. Mifoto: 1. Vatekani va pfuxelaka makwezru wa xisati lweyi a kuliki hi ntanga lweyi a vabyaka. Nuna a khanela na yene na nsati wakwe a bekisa mintxhumu leyi va nga yi xava. 2. Vatekani va nga ka wugandzreli bya ndangu ni makwezru wa xisati ni xin’wanyatana xakwe. 3. Makwezru wa xinuna a pfunaka vamakwezru vabidzri va xisati hi ku va txintxela pinewu dzra movha.

      Ku fana na Yesu hi nga kombisa leswaku ha zron’weka hi vamakwezru hi vamakwezru va xisati lava ku dumbeka (Vona mayava 6-9)e

      6. Hi ku ya hi buku dzra Luka 10:38-42, xana Yesu a pfune Mariya na Marta hi ndlela yini?

      6 Yesu a a tinyika nkama wa ku va kun’we ni vamakwezru va xisati. Yene a a li munghanu wa xihlayelamfuzri ku vone. Hi xikombiso, yanakanya hi wunghanu lebyi a a li na byone na Marta na Mariya. Swi tikomba na vone a va nga txhatanga. (Dondzra Luka 10:38-42.) Yesu a a khanela a tlhela a yentxa mintxhumu leyi a yi va yentxa va titwa na va ntsrhunxekile loko va li na yene. Mariya a nga dananga ku tsrhama kusuhi na Yesu, hi lani mudondzrisiwa mun’wana ni mun’wana a a yentxa ha kone.c Nakone Marta a titwe na a ntsrhunxekile ku byela Yesu leswaku a a khunguvanyekile hi leswi Mariya a a nga mu pfuni ku lulamisela swakuda. Hi nkama luwani wa ku bula, Yesu a dondzrise Marta na Mariya ndondzro ya lisima ngopfu swinene. Nakone a ku vanga khambi dzra ku sungula na Yesu a va pfuxela. Yene a yentxe leswo hi makhambi manyingi, a kombisa leswaku a a va zrandzra ngopfu, Marta, Mariya ni makwavu Lazaru. (Yh 12:1-3) Nkama lowu Lazaru a nga sungula ku vabya ngopfu swinene, Mariya na Marta a va ni ku dumba ka leswaku Yesu a a ta va pfuna.​—Yh 11:3, 5.

  • Seketela Vamakwezru Va Xisati A Bandleni Dzraku
    Xihondzro Xa Ku Zrindzra (Nhlayu Ya Xidondzro)—2020 | Setembru

    • c A enciclopédia dzra kukazri ledzri khanelaka hi Bibele dzri li: “A vadondzrisiwa a va tsrhama kusuhi ni vadondzrisi vavu. A va yentxa leswo loko va tilulamisela akuva va va vadondzrisi, ku nga ntizro lowu a wu nga pfumeleliwi leswaku wu yentxiwa hi va xisati. Ntalu wa vavanuna va le Yuda a va ta hlamala ngopfu loko a ve vona Mariya a tsrhama kusuhi na Yesu, na a navela ku dondzra, a matsrhan’wini ya ku hetisisa xiyenge lexi a xi yentxiwa hi va xisati.”