Vampswha​—‘Khinyelani Ntizrweni Lowunene’

Ka papela ledzri a dzri ya ka Tito, mupostola Pawulo a huhuteliwe ku tsrala leswaku vampswha, ku patsra na Tito, a va fanela ku yentxa hinkwaswu va swi kotaka leswaku va va ‘xikombiso xa mintizro leya ku xonga a timhakeni hinkwatu’. (Ti 2:6, 7) Ka dzrima yoleyi ya yin’we, a game a kombisa leswaku vhanu va Yehovha a va ta xwengisiwa akuva va ‘khinyela ntizrweni lowunene’. (Ti 2:14) Wun’we ka mintizro leyo i ku zrezra ni ku dondzrisa hi ta Mfumu wa Xikwembu Nkulukumba. Loko u li mumpswha, xana u nga tizrisa ntamu waku akuva u tizra swanga phayona dzra ku pfunisa kumbe dzra nkama hinkwawu?​—Pr 20:29.

Loko u navela ku va phayona, kunguhata ha hombe akuva u hetisisa ku navela koloko. (Lk 14:28-30) Hi xikombiso, u nga yentxa yini akuva u tiwundla loko u tizra swanga phayona? Xana u ta swi kota ku tlhasela mawora lama djulekaka hi ndlela yini? Kombela mpfunu ka Yehovha hi xikhongoto. (Ps 37:5) Bula ni vapswele vaku ni maphayona lama wupfiki hi makungu lawa u nga na wone. U gama u yentxa leswi djulekaka akuva u hetisisa kungu ledzro. Nakunene, Yehovha a ta tovokisa minzamu yaku!

HLALELA VÍDEO LEDZRI LIKI TIZRISANI WUMPSWHA BYENU KU DZRUMISA YEHOVHA, MI GAMA MI HLAMULA SWIVUTISO LESWI LANDZRELAKA:

• Hi swini swizralanganya leswi van’wana va swi hluliki akuva va tizra swanga maphayona? Nakone va swi kotise kuyini?

• Xana vapswele va nga va pfunisa kuyini vanavu akuva va va maphayona ya nkama hinkwawu?

• Ha yini swi li swinene ku va ni xiyimiso lexinene xa nsimu?

• Hi nga ma pfuna ni ku ma kutxa hi ndlela yini maphayona?

• Hi wani matovoko lama kumiwaka hi lava tizraka swanga maphayona?