KU HANYA SWANGA VAKRISTE

Ndlela Leyi Vatekani Va Nga Tiyisaka Wukati Byavu Ha Yone

Abrahamu na Sara i swikombiso leswinene swa vatekani lava a va zrandzrana ni ku hloniphana. (Gn 12:11-13; 1Pe 3:6) Nambitasu, wukati byavu a byi nga hetisekanga. Va kumane ni swihinga swinyingi a wuton’wini. Xana vatekani va nga dondzra yini ka xikombiso xa Abrahamu na Sara?

Swi djula ku va ni ku khanelisana. Loko nkataku a hlundzrukile, u nga mu tlheliseli hi la ku fanaka. (Gn 16:5, 6) Hetani nkama xikan’we. Kombisa lizrandzru hi mazritu ni hi swiyentxo. Ka hinkwaswu, zrangisani Yehovha a wukatini byenu hi ku dondzra, mi khongota ni ku tizrela Yehovha xikan’we. (Ekl 4:12) Mutxhatu lowu tiyiki wu dzrumisa Yehovha, Musunguli wa wone.

HLALELA VÍDEO LEDZRI LIKI NDLELA YA KU TIYISA XIBOHO XA WUKATI, MI GAMA MI HLAMULA SWIVUTISO LESWI LANDZRELAKA:

Loko vídeo dzra ha ku sungula, a ku yentxeka yini hi wukati bya Shaan na Kiara?
Ha yini ku khanelisana ha hombe ku li ka lisima a wukatini?
Xana xikombiso xa Abrahamu na Sara xi va pfunisi kuyini Shaan na Kiara?
I yini leswi Shaan na Kiara va swi yentxiki akuva va tiyisa wukati byavu?
Ha yini nuna na nsati va nga fanelanga ku yimela leswaku wukati byavu byi hetiseka?

Collage: Ka xiyenge xa vídeo ledzri liki ‘Ndlela Ya Ku Tiyisa Xiboho Wukati.’ Shaan na Kiara va teki gwasu dzra ku tiyisa wukati byavu. 1. Mun’wan ni mun’wana a tsrhame wugan’wini dzra sofa. 2. Va khomanani mavoko. 3. Va tizra kun’we a nsin’wini na va nyonxile. — U nga swi kota ku tiyisa xiboho xa wukati byaku!