Xana U Nga Hanana Hi Ku Tizrisa Nkama Ni Ntamu Waku?

Swanga hi lani Ezaya a hlayiki ha kone, hi vona ku kula loku hlamalisaka ka xiyenge xa nhlengeletanu ya Yehovha ya la misaveni. (Eza 54:2) Leswi swi yentxa leswaku ku va ni xivileleko xa ku yakiwa ka Tiyindlu ta Wugandzreli, Tiyindlu ta Tinhlengeletanu ni miyaku yimbeni ya zrwavi. Ntsrhaku ka loko yi yakiwile, miyaku leyi yi vilela ku bekisiwa nakasi yimbeni yi djula ku pfuxetiwa. Hi yini mikhandlu leyi hi pfulekelaka akuva hi hanana Yehovha hi nkama ni ntamu wezru?

• Hi nga hlengemela ku pfuniseni ka ku basisa Yindlu ya Wugandzreli loko ntlawa wezru wa nsimu wu yaveliwe ku yentxa leswo

• Hi nga tinyiketa akuva hi wupfisiwa ka mabekiselela ya Yindlu yezru ya Wugandzreli

• Hi nga zrumela petisawu dzra DC-50 a LDC akuva hi pfunisa ka ku yaka ni ku bekisa mimbangu ya wugandzreli kusuhi ni lomu hi tsrhama kone

• Hi nga zrumela petisawu dzra A-19 akuva hi pfunisa swa vhiki kumbe ku tlula ndzreni ka nsimu ya zrwavi dzrezru kumbe ya zrwavi dzrimbeni

HLALELANI VÍDEO LEDZRI LIKI KU HAMBIWA KA KUNGU DZRA MUYAKU LOWUMPSWHA​—XITLEPHU, MI GAMA MI HLAMULA SWIVUTISO LESWI LANDZRELAKA:

• Hi kwini ku kula loku hlamalisaka loku viki kone ku sukela hi 2014 a mhakeni ya ku tizrisiwa ka ma-vídeo?

• Leswi xivileleko xa ku hambiwa ka ma-vídeo xi yaka xi kula, hi wini ntizro lowu kunguhatiwaka ku yentxiwa nakone wu ta sungula ni ku gama dzrini?

• Lava swi nyonxelaka va nga pfunisa hi dlela yini?

• Loko hi nyonxela ku pfunisa ka ntizro wa ku yaka a Ramapo, ha yini hi fanela ku zrumela petisawu dzra DC-50 ni ku pfunisa ka ku yaka ka nsimu ya zrwavi dzrezru?

• I yini leswi kholwisaka leswaku i Yehovha lwa ‘kongomisaka’ kungu ledzri?

• Hi nga pfunisisa kuyini ka ntizro lowu nambiloko swiyimu swezru swi nga hi pfumeleli ku va kone hi ku kongoma?