Nyika Lisima Wuxaka Byaku Na Yehovha

Timboni ta Yehovha ti ni djombo yikulu. Swanga vakriste lava tinyiketeliki ni ku babatisiwa, hi ya mahlweni hi txutxela wuxaka lebyinene na Yehovha Hosi leyi Tlakukiki. A hi kokele kwakwe hi ku tizrisa N’wanakwe. (Yh 6:44) A yingiseta swikongoto swezru.​—Ps 34:15.

Hi nga byi sizrelelisa kuyini wuxaka byezru bya lisima na Xikwembu Nkulukumba? Xin’we xa swone, a hi fanelanga ku yentxa leswi va-Israyele va swi yentxiki. Ntsrhakunyana ka loko va hambe xipfumelelanu xa wuxaka byavu na Yehovha, va-Israyele va hambe zrole dzra gole kutani va ndzruluka vagandzreli va swithombe. (Eks 32:7, 8; 1Ko 10:7, 11, 14) Hi nga ha tivutisa leswi: ‘Ni yentxa yini loko ni kumana ni ndzringo? Swiyentxo swanga swi kombisa leswaku ni nyika lisima wuxaka byanga na Yehovha?’ Lizrandzru ledzri hi nga nadzrone hi Tatana wezru wa le tilweni dzri ta hi pfuna ku tingawula leswi a swi nyenyaka.​—Ps 97:10.

HLALELANI VÍDEO LEDZRI LIKI SIZRELELA WUXAKA BYAKU NA YEHOVHA (KL 3:5), MI GAMA MI HLAMULA SWIVUTISO LESWI LANDZRELAKA:

• I yini ku navela ka ku biha?

• Ha yini hi fanela ku tingawula ku navela ka ku biha ni ku gandzrela swithombe?

• Hi kwini ku yelana loku nga kone ka wubuye ni ku gandzrela swithombe?

• Ha yini ngopfungopfu lava nga ni wutiyanguleli a nhlengeletan’wini va fanela ku zron’weka hi swivileleko swa vankatavu?