Mintiyiso Leyi Hi Zrandzraka Ku Yi Dondzrisa

Yesu a hlaye leswaku a vhanu va timbilu letinene loko va tiva ntiyiso a va ta wu yamukela. (Yoh. 10:4, 27) Xileswo, minkama hinkwayu loko hi bula ni vhanu hi djula ku yavelana na vone mintiyiso ya Bibele. U nga sungula hi ku hlaya leswi: “Xana a u swi tiva leswaku . . ?” kumbe “U sama u swi yingela leswaku . . . ?” Kutani u mu tlhamuxela ntiyiso wa kone hi ku tizrisa Tsralwa kumbe Matsralwa lawa ma fambelanaka na wone. Ntsena hi ku va u yavelana na yene ntiyiso wa kukazri wa Bibele u nga ha va na u byala mbewu a mbilwini yake nakone Xikwembu Nkulukumba a nga yentxa leswaku yi kula!—1 Kor. 3:6, 7.

• Wumundzruku

• Ndangu

• Xikwembu Nkulukumba

• Xikhongoto

• Yesu

• Mfumu wa Xikwembu Nkulukumba

• Ku xaniseka

• Lifu

• Wukhongoti

WUMUNDZRUKU

1. 1. Leswi swi yentxekaka a misaveni ni ndlela leyi vhanu va tikhomaka ha yone swi komba leswaku xiyimu xi ta txintxa ku nge khale.—Mat. 24:3, 7, 8; Luk. 21:10, 11; 2 Tim. 3:1-5.

2. 2. A misava a yi nga ti txhuka yi helisiwa.—Amaps. 104:5; Ekles. 1:4.

3. 3.A misava yi ta pfuxetiwa.—Eza. 35:1, 2; Mpful. 11:18.

4. 4. Hinkwavu va ta va ni lihanyu ledzri hetisekiki.—Eza. 33:24; 35:5, 6.

5. 5.U nga hanya hi lani ku nga helikiki a misaveni.—Amaps. 37:29; Mat. 5:5.

NDANGU

1. 6. A wanuna a fanela ku “zrandzra nsati wake ku fana ni leswi a tizrandzrisaka xiswone”.—Efe. 5:33; Kol. 3:19.

2. 7. A nsati a fanela ku va ni xitxhavu xa ku yenta ka nuna wake.—Efe. 5:33; Kol. 3:18.

3. 8. Lava txhatiki va fanela ku dumbeka ka vakatavu.—Mal. 2:16; Mat. 19:4-6, 9; Heb. 13:4.

4. 9. A vana va pfuneka loko va hlonipha ni ku yingiseta vapswele vavu.—Amapr. 1:8, 9; Efe. 6:1-3.

NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.

XIKWEMBU NKULUKUMBA

1. 10. Xikwembu Nkulukumba a ni vito.—Amaps. 83:18; Yer. 10:10.

2. 11. Xikwembu Nkulukumba a vulavula na hine.—2 Tim. 3:16, 17; 2 Pet. 1:20, 21.

3. 12. Xikwembu Nkulukumba a lulamile a nga na xihlawuhlawu.—Deut. 10:17; Mint. 10:34, 35.

4. 13. Xikwembu Nkulukumba a djula ku hi pfuna.—Amaps. 46:1; 145:18, 19.

XIKHONGOTO

1. 14. Xikwembu Nkulukumba a djula kuva hi khongota ka yene.—Amaps. 62:8; 65:2; 1 Pet. 5:7.

2. 15. A Bibele dzri hi dondzrisa ku khongota.—Mat. 6:7-13; Luk. 11:1-4.

3. 16. Hi fanela ku khongota nkama hinkwawu.—Mat. 7:7, 8; 1 Tes. 5:17.

YESU

1. 17. Yesu a ve mudondzrisi lwenene nakone a swilayu swake swa pfuna minkama hinkwayu.—Mat. 6:14, 15, 34; 7:12.

2. 18. Yesu a profete swiyentxakalu leswi hi swi vonaka namunhla.—Mat. 24:3, 7, 8, 14; Luk. 21:10, 11.

3. 19. Yesu i N’wana wa Xikwembu Nkulukumba.—Mat. 16:16; Yoh. 3:16; 1 Yoh. 4:15.

4. 20. Yesu a hi Xikwembu Nkulukumba wa Ntamu Hinkwawu.—Yoh. 14:28; 1 Kor. 11:3.

Based on NASA/Visible Earth imagery

MFUMU WA XIKWEMBU NKULUKUMBA

1. 21. Mfumu wa Xikwembu Nkulukumba i mfumu wa ha kakunene wa le matilweni.—Dan. 2:44; 7:13, 14; Mat. 6:9,10; Mpful. 11:15.

2. 22. Mfumu wa Xikwembu Nkulukumba wu ta siva mimfumu ya vhanu.—Amaps. 2:7-9; Dan. 2:44.

3. 23. Mfumu wa Xikwembu Nkulukumba hi wone ntsena wu taka helisa swikazratu swa vhanu.—Amaps. 37:10, 11; 46:9; Eza. 65:21-23.

KU XANISEKA

1. 24. Xikwembu Nkulukumba a hi yene a hi vangelaka ku xaniseka.—Deut. 32:4; Yak. 1:13.

2. 25. Sathana hi yene a fumaka misava.—Luk. 4:5, 6; 1 Yoh. 5:19.

3. 26. Xikwembu Nkulukumba awa zron’weka ha wene loko u xaniseka.—Amaps. 34:17-19; Eza. 41:10, 13.

4. 27. Ku nga li khale Xikwembu Nkulukumba a ta helisa ku xaniseka.—Eza. 65:17; Mpful. 21:3, 4.

LIFU

1. 28. A vafi a va tivi ntxhumu nakone a va li ku xanisekeni.—Ekles. 9:5; Yoh. 11:11-14.

2. 29. A vhanu lava fiki a va nge hi pfuni nakone a va nge hi yentxeli swa ku biha.—Amaps. 146:4; Ekles. 9:6, 10.

3. 30. A vazrandzriwa vezru lava fiki va ta pfuxiwa.—Yb. 14:13-15; Yoh. 5:28, 29; Mint. 24:15.

4. 31. “A lifu a dzri nge he ti va kone.”—Mpful. 21:3, 4; Eza. 25:8.

WUKHONGOTI

1. 32. A hi wukhongoti hinkwabyu byi nyonxisaka Xikwembu Nkulukumba.—Yer. 7:11; Mat. 7:13, 14, 21-23.

2. 33. Xikwembu Nkulukumba awa byi nyenya wukanganyisi.—Eza. 29:13; Mik. 3:11; Mar. 7:6-8.

3. 34. Lava nga ka wugandzreli bya ntiyiso va ni lizrandzru.—Mik. 4:3; Yoh. 13:34, 35.