Yobu

 2 «Ndakurahiye Imana nzima, yo yanse kuntunganiriza+.

Ndakurahiye Mushoboravyose, we yatumye ubuzima bumbera umururazi+.

 3 Igihe cose nzoba ngihema,

impwemu y’Imana ikiri mu mazuru yanje+,

 4 iminwa yanje ntizovuga ibitagororotse,

n’ururimi rwanje ntiruzovuga ibinyoma mu ntamatama!

 6 Nzogumana ubugororotsi bwanje, sinzopfa ndaburekuye+.

Umutima wanje ntuzokwigera unyagiriza* igihe cose nzoba nkiriho*.

 7 Umwansi wanje arakaba nk’umubisha,

abandwanya na bo babe nk’inkozi z’ikibi.

 8 Mbega umuntu atubaha Imana* hari icizigiro aba agifise iyo aranduwe+,

iyo Imana imwatse ubuzima?

 9 Mbega Imana yokwumva amaborogo yiwe

igihe ashikiwe n’ivyago+?

11 Reka ndabigishe ivyerekeye ububasha bw’Imana*.

Sinobahisha ikintu na kimwe cerekeye Mushoboravyose.

12 Ko wumva mwese mweretswe,

kuki none muvuga ibintu ata co bimaze?

13 Uyu ni wo mugabane Imana iha umuntu w’umubisha+.

Ni yo ntoranwa Mushoboravyose aha abahahaza abandi.

14 Naho abana biwe bogwira, bazomarwa n’inkota+.

Abamukomokako ntibazoronka ibifungurwa bihagije.

15 Abazorusimba mu biwe bazokwicwa* n’ikiza,

kandi n’abapfakazi babo ntibazobaririra.

16 Naho yorundanya ifeza nk’uko barundanya umukungugu,

akegeranya impuzu nzizanziza nk’uko begeranya ibumba,

17 naho yokwegeranya izo mpuzu,

umugororotsi ni we azozambara+,

kandi abantu b’intungane ni bo bazogabura ifeza ziwe.

18 Inzu yiwe inganya ubukomezi n’inzu y’agakoko.

Imeze nk’akazu k’ubwugamo+ kubatswe n’umunyezamu.

19 Azoja kuryama ari umutunzi, ariko iryo tunga rizomuhomberako.

Niyikangura azosanga ata na kimwe asigaranye.

20 Ibintu bica ivutu bimuzako bukwi na bukwi nk’isegenya,

igihuhusi kikamukukumura mw’ijoro+.

21 Umuyaga wo mu buseruko uzomutwara agende akagirire.

Uzomuvumbura umukure aho yahora aba+.

22 Azogerageza kuwuhunga+,

ariko uzoguma umuhuhutirako ata kagongwe+.

23 Uzomutwengera mw’ijigo,

umusuzugurire+ aho wibereye*.