Zaburi

1 Hahiriwe umuntu atagenda yisunga impanuro z’ababisha,

adahagarara mu nzira y’abacumuzi+

kandi aticarana n’abasuzugura ibigororotse+.

 2 Ahubwo ahimbarwa n’itegeko rya Yehova+,

kandi itegeko ryiwe arisoma n’ijwi ritoyi* ijoro n’umurango+.

 3 Azoba nk’igiti gitewe hafi y’imigezi y’amazi,

igiti cama igihe caco kigeze

kandi amababi yaco ntiyigere yuma.

 4 Ababisha bobo ntibameze gutyo.

Bameze nk’umuguruka utwawe n’umuyaga.

 5 Ni co gituma ababisha batazoguma bahagaze mu rubanza+.

Eka n’abacumuzi ntibazoguma bahagaze mw’ishengero ry’abagororotsi+.

 6 Kuko Yehova azi inzira y’abagororotsi+,

ariko inzira y’ababisha izozimangana+.