Yesaya
46 Beli* irunamye+, Nebo irigonze.
Ibishusho vyavyo bitwarwa n’ibikoko, emwe ibikoko bitwara imizigo+.
Bimeze nk’imizigo iremereye ibikoko birushe.
2 Vyompi birigonze kandi birunamye.
Ntibishobora kurokora imizigo*
kandi na vyo ubwavyo biriko bija mu bunyagano.
3 «Nimunyumvirize, yemwe abakomoka kuri Yakobo, namwe mwese abasigaye mw’ihanga rya Isirayeli+,
mwebwe abo nafashije kuva mukivuka, abo nahetse kuva mukiva mu nda+.
Nk’uko nabigize, nzobaheka, ndabashigikire, ndabakize+.
6 Hari abakura inzahabu nyinshi mw’isaho,
bagapima ifeza ku munzane.
Barariha umucuzi, na we akabikoramwo imana+.
Baraheza bakayikubita imbere bakayisenga*+.
Ntiva aho iri+.
Barayitakambira, mugabo ntiyishura.
Nta we ishobora gukiza amagorwa+.
8 Nimwibuke ibi maze mugire umutima rugabo.
Nimubishire ku mutima, mwa bacumuzi mwe!
Ndi Imana, nta n’imwe imeze nkanje+.
10 Mpera mu ntango nkavuga uko ibintu bizogenda*,
ngahera kuva kera cane nkavuga ibintu bitarakorwa+.
11 Ndiko mpamagara inyoni ihiga ngo ize ivuye i burasirazuba*+,
ngahamagara mu gihugu ca kure umuntu azoshitsa umugambi* wanje+.
Narabivuze kandi nzobishitsa.
Narabiteguye no kubikora nzobikora+.
Nzokiza Siyoni, mpe Isirayeli ubwiza bwanje buhebuje+.»