Zakariya

«Ng’ubu ubutumwa bwa Yehova bwerekeye igihugu ca Haduraki,

bukaba bugenewe Damasiko*+,

kuko Yehova ashinze ijisho abantu+

n’imiryango yose ya Isirayeli.

 2 Bwerekeye kandi Hamati+ bihana urubibe,

hamwe na Tiro+ na Sidoni+, kuko bigira inkerebutsi cane+.

Barunze ifeza nk’umukungugu,

barunda inzahabu nk’urwondo rwo mu mabarabara+.

 4 Raba! Yehova azobaka ivyo batunze,

ahonereze ingabo zabo mu kiyaga*+.

Ico gisagara kizotikizwa n’umuriro+.

 5 Ab’i Ashikeloni bazobibona batinye.

Ab’i Gaza bazogira intuntu nyinshi.

N’ab’i Ekuroni ni ukwo, kuko ico bari bizigiye camaramaye.

Umwami azozimangana i Gaza,

kandi i Ashikeloni nta wuzohaba+.

 6 Umwana w’ikivyarwa azoba i Ashidodi,

kandi nzokuraho ubwishime bw’Umufilisitiya+.

 7 Nzokura mu kanwa k’Umufilisitiya ibintu vyandujwe n’amaraso,

ndamukure mu menyo ibintu bisesemye,

kandi abiwe bazosigara bazoba ab’Imana yacu.

Azoba nk’umutware* mu Buyuda+,

ab’i Ekuroni bamere nk’Abayebusi+.

 8 Nzokambika ndinde inzu yanje*+,

ku buryo ata wuzohaca canke ahagaruke.

Nta wukoresha abandi ibikorwa* azosubira kuhaca+,

kuko ubu ndavyiboneye* n’amaso yanje.

Ni umugororotsi kandi azanye ubukiriro*.

Aricisha bugufi+, kandi aje agendera ku ndogobwa,

ku ndogobwa ikiri ntoyi* yavyawe n’indogobwa y’ingore+.

10 Nzokura muri Efurayimu imikogote y’intambara,

nkure n’amafarasi i Yeruzalemu.

Amahanga azoyatangariza amahoro+.

Azoganza kuva ku kiyaga gushika ku kindi,

no kuva kuri rwa ruzi runini* gushika ku mpera z’isi+.

11 Nayo wewe ga mugore, biciye ku maraso y’isezerano wagize,

abantu bawe bagizwe imbohe nzobakura mu cobo kitarimwo amazi+.

Uyu musi ndakubwiye nti:

“Ewe wa mugore, nzokwishura imigabane ibiri+.

Nzoshira Efurayimu ku muheto nk’umwampi,

mpagurutse abana bawe, ewe Siyoni,

barwanye abana bawe, ewe Bugiriki.

Nzokugira nk’inkota y’umurwanyi, ewe Siyoni.”

14 Yehova azoboneka hejuru yabo,

kandi umwampi wiwe uzofyiruka nk’umuravyo.

Umukama Segaba Yehova azovuza inzamba+,

ajane n’ibihuhusi vyo mu bumanuko.

15 Yehova Nyeningabo azobarwanira,

kandi bazomira bongere baneshe amabuye atezwa imigozi+.

Bazonywa bashwashwanuke, nk’abanyoye umuvinyu.

Bazokwuzura nk’ibakure,

nk’imfuruka z’igicaniro+.

16 Kuri uwo musi, Yehova Imana yabo azobakiza,

akize ubusho bwiwe, abantu biwe+.

Bazoba nk’amabuye y’agaciro yo ku rugori, aca ibibatsi ku butaka bwiwe+.

17 Ewe kuntu ukumera neza kwiwe ari kwinshi+!

Ewe kuntu ubwiza bwiwe ari bwinshi!

Intete zizotuma imisore ikomera,

umuvinyu mushasha utume abigeme b’isugi bakomera+.»