Zaburi

Umubiri wanje uragoyagoya kubera ndakwipfuza cane

ndi muri iki gihugu cumye kandi kigadutse, kitagira amazi+.

 2 Ni co gituma nakwitegereje ndi ahantu heranda.

Narabonye inkomezi zawe n’ubuninahazwa bwawe+.

 3 Iminwa yanje izokuninahaza+,

kuko urukundo* rwawe ari rwiza kuruta ubuzima+.

 4 Nzoguhezagira rero ubuzima bwanje bwose,

kandi nzoduza amaboko yanje mw’izina ryawe.

 5 Ndahaze nk’uwuriye igihimba ciza kuruta ibindi kandi kinuze*.

Ni co gituma akanwa kanje kazogushemeza, iminwa yanje ikakuririmbira+.

 6 Ndakwibuka ndi ku gitanda canje,

nkakuzirikana igihe nteramye mw’ijoro+.

 7 Kuko uri umutabazi wanje+,

kandi ndiha akaruru k’umunezero ndi mu gitutu c’amababa yawe+.

 8 Ni wewe nguma numiyeko,

kandi ukuboko kwawe kw’ukuryo kurangumije+.

 9 Abarondera kunyaka ubuzima

bazomanuka epfo mu kuzimu.

10 Bazomarwa n’ubugi bw’inkota,

baribwe n’imbwebwe.

Umuntu wese arahira mw’izina ryayo azohimbarwa*,

kuko akanwa k’abavuga ibinyoma kazozibwa.