Zaburi

91 Uwo wese yibera ahihishije ha Musumbavyose+

azokwigumira mu gitutu c’amababa ya Mushoboravyose+.

 2 Nzobwira Yehova nti: «Uri ubuhungiro bwanje n’igihome canje gikomeye+,

Imana yanje nizigira+.»

 3 Kuko azogukiza umutego w’umuhigi w’inyoni

hamwe n’ikiza gitema kigatongora.

 4 Azogupfuka* akoresheje amubi yiwe,

kandi uzohungira munsi y’amababa yiwe+.

 5 Ntuzotinya ibintu bigutera ubwoba mw’ijoro+,

canke umwampi uguruka ku murango+,

 6 canke ikiza kigendagenda mu mwiza,

canke agatikizo gasasika inganda ku mutaga.

 7 Abantu igihumbi bazogwa iruhande yawe,

ibihumbi cumi na bo iburyo bwawe,

ariko wewe nta na kimwe uzoba+.

 8 Ababisha nibahanwa

uzovyibonera n’amaso yawe.

ukagira Musumbavyose ahantu hatekanye uba*+,

10 nta cago kizogutera+

kandi nta kiza kizokwegera ihema ryawe.

11 Kuko azotegeka abamarayika biwe+

kugira bagukingire aho uzoja hose+.

12 Bazokurerura mu maboko yabo+

kugira ntutsitare kw’ibuye+.

13 Uzohonyanga intambwe y’umukangara n’imvuvyi.

Uzokandagira intambwe* na ca kiyoka kinini+.

16 Nzomuha kuramba+

kandi nzotuma yibonera ingene ndamukiza+.»