Zaburi
Akaririmbo ko gucura intimba Dawidi yaririmbiye Yehova ku bijanye n’amajambo ya Kushi Umubenyamini.
7 Ewe Yehova Mana yanje, ni wewe mpungirako+.
Nunkize abo bose bampama, untabare+.
3 Ewe Yehova Mana yanje, nimba ndi mw’ikosa,
nimba narakoze ibitabereye,
4 nimba narishuye ikibi uwankoreye iciza+
canke nkaba naranyaze umwansi wanje ndamuhoye ubusa*,
5 umwansi wanje rero nankurikire amfate,
nankubite hasi amponyange,
icubahiro canje akizike mw’ivu. (Sela*)
6 Ewe Yehova, nuhaguruke waratse,
urwanye abansi banje banshavuriye+.
Niwikangure untabare, usabe ko ubutungane bwubahirizwa+.
7 Amahanga nagukikuze,
nawe uyarwanye wibereye iyo hejuru.
8 Yehova azocira urubanza amahanga+.
Ewe Yehova, nuncire urubanza wisunze ubugororotsi bwanje,
wisunze ugutungana kwanje+.
9 Ndagusavye urangize ibikorwa vy’ababisha,
ariko ukomeze abagororotsi+,
kuko uri Imana igororotse+, isuzuma imitima+ ikamenya n’uko abantu biyumva*+.
10 Imana ni yo nkinzo yanje+, ni yo ikiza abafise umutima ugororotse+.