Yesaya

61 Impwemu y’Umukama Segaba Yehova iri kuri jewe+,

kuko Yehova yandobanuye* kugira ngo mbwire inkuru nziza abitonda+.

Yantumye gutubika ibikomere vy’abavunitse umutima,

gutangaza ko abagizwe imbohe bazorekurwa,

ko amaso y’abanyororo azokwugururwa rwose+.

 2 Yantumye gutangaza umwaka wo gushimwa na Yehova*

n’umusi w’ukwihora w’Imana yacu+,

guhoza abagandaye bose+,

 3 kwitwararika abagandariye Siyoni,

kubaha igitambara bambara ku mutwe mu kibanza c’iminyota,

amavuta y’umunezero mu kibanza c’ikigandaro,

n’impuzu y’amashemezo mu kibanza c’umutima udendebukiwe.

Bazokwitwa ibiti binini vy’ubugororotsi

vyatewe na Yehova kugira ngo aninahazwe*+.

 4 Bazosubira kwubaka ibibanza vyatikijwe kera,

bavyure ibibanza vyagizwe umusaka kera+.

Bazosanura ibisagara vyatikijwe+,

ibibanza vyagumye ari umusaka igihe kirekire*+.

 5 «Ba kavamahanga bazoza baragire amasho yanyu,

abanyamahanga+ bababere abarimyi n’abakozi bo mu mirima y’imizabibu+.

 6 Nayo mwebwe, muzokwitwa abaherezi ba Yehova+.

Bazobita abakozi b’Imana yacu.

Muzorya amatunga y’amahanga+,

mwirate icubahiro* cayo.

 7 Mu kibanza c’ibimaramare abantu banje bazoronka imigabane ibiri.

Mu kibanza c’agateterwe bazokwiha akamo k’umunezero kubera umugabane wabo.

 8 Kuko jewe Yehova nkunda ubutungane+,

nkanka ubusuma hamwe n’ibitagororotse+.

Nzobabera umwizigirwa ndabahe impembo yabo,

kandi nzogirana na bo isezerano ryamaho+.

 9 Uruvyaro* rwabo ruzomenyekana mu mahanga+,

ababakomokako bamenyekane mu bantu bo mu bindi bihugu.

Abazobabona bose bazobamenya,

babone yuko ari uruvyaro* Yehova yahezagiye+.»

kuko yanyambitse impuzu z’ubukiriro+.

Yanyambitse ikanzu* y’ubugororotsi.

Meze nk’umukwe yambaye igitambara bazingira mu mutwe, nka kimwe c’abaherezi+,

nk’umugeni yishariza n’udusharizo twiwe.

11 Nk’uko isi inaga iminago,

n’umurima ukama imbuto bawuteyemwo,

ni ko Umukama Segaba Yehova azotuma ubugororotsi+ n’ishemezo

binaga+ imbere y’amahanga yose.