Yobu

 2 «Uwo ni nde atora amahinyu umugambi* wanje,

akavuga ibintu atazi+?

 3 Kenyera zigume, uhagarare nk’umugabo.

Ngira ndakubaze, nawe unyishure.

 5 Ni nde yashinze ibipimo vyayo, nimba ubizi?

Canke ni nde yafashe umugozi akayipima?

 6 Inkingi zayo zihagaze ku ki?

Canke ni nde yashinze ibuye ryayo rigumya imfuruka+,

 7 igihe inyenyeri zo mu gatondo+ ziha akaruru k’umunezero ziri hamwe,

igihe abamarayika* bose+ basamiriza impundu?

 8 Ni nde yatangiriye ikiyaga akoresheje imiryango+

igihe carindimuka kivuye mw’isôko ryaco?

 9 Igihe nacambika ibicu,

nkagitwikira mu mwiza w’umuzitanya,

10 igihe nagishingira akarimbi,

nkagishiriraho ivyugazo n’imiryango+,

11 nkakibwira nti: “Aha ni ho uzogarukira, ntuze uharenge.

Aha ni ho imikuba yawe isuriranya izogarukira+.”

12 Mbega* warigeze uha amategeko igitondo

canke ukamenyesha umutwenzi aho utangurira+,

13 kugira ufate impera z’isi

maze ukunkumure ababisha bave kuri yo+?

14 Isi irahinduka, ikamera nk’ibumba munsi y’ikidodo,

ibiri kuri yo bikibonekeza nk’amabara y’impuzu.

15 Ariko ababisha baba batswe umuco wabo,

ibikorwa vyabo bibi biba bihagaze*.

16 Mbega uramaze kumanuka gushika ku masôko y’ikiyaga,

canke uramaze kugendura amazi yo mw’ibenga+?

17 Mbega uramaze kwerekwa amarembo y’urupfu+,

canke uramaze kubona amarembo y’umwiza w’umuzitanya*+?

Umwijima wowo uherereye hehe,

20 ku buryo wobijana gushika aho biba

kandi ukamenya inzira ijayo?

21 Mbega wari umaze kuvuka ku buryo wobimenya?

Woba ufise imyaka* ihagije ku buryo wobitahura?

22 Mbega uramaze kwinjira mu bigega vya shelegi*+,

canke uramaze kubona ibigega vy’urubura+,

23 ivyo nabikiye igihe c’ivyago

hamwe n’umusi w’urugamba n’intambara+?

24 Umuco* ukwiragira uzananye inzira iyihe,

canke umuyaga wo mu buseruko uhuhutira kw’isi uzananye he+?

25 Ni nde yaciriye imiserege imyuzurira,

agacira inzira ibicu vy’imvura n’umuturagaro+,

26 kugira agwishe imvura ahantu hataba abantu,

mu gahinga katagiramwo umuntu n’umwe+,

27 kugira ajobeke ahantu humye hakagaduka

no kugira atume hamera ivyatsi+?

28 Mbega imvura irafise se+?

Canke ni nde yavyaye urume+?

29 Ni nde yavyaye ibibarafu,

canke udutete tw’urubura dukoroka tuva kw’ijuru+?

30 Ni nde atuma amazi yo mu biyaga afatana akamera nk’ibuye,

hejuru y’amazi y’ibenga hagakonja hagacika ibarafu+?

31 Mbega woshobora kuboha imigozi y’umugwi w’inyenyeri witwa Kima*,

canke ukabohora imigozi y’umugwi w’inyenyeri witwa Kesili*+?

32 Woshobora kuzana umugwi w’inyenyeri* igihe cawo kigeze,

canke ukayobora umugwi w’inyenyeri witwa Ashi* n’abana bawo?

33 Mbega urazi amategeko agenga ijuru+?

Canke woshobora gutuma ayo mategeko* akora kw’isi?

34 Woshobora kuduza ijwi rigashika ku bicu

kugira hagwe imvura nyinshi maze ikunyagire+?

36 Ni nde yahaye ubwenge* ibicu*+?

Canke ni nde yahaye ugutegera ibintu bitangaje biba mu kirere*+?

37 Ni nde aciye ubwenge ku buryo yoharura ibicu?

Ni nde yoshobora gucuranura imibindi y’amazi yo kw’ijuru+?

38 Ni nde atuma umukungugu ucika ivyondo,

agatuma n’ibinonko vyo kw’isi bifatana?

39 Mbega woshobora guhigira intambwe ico irya?

Canke woshobora guhaza imikangara y’intambwe+,

40 igihe zibunze aho ziba

canke igihe ziryamiye mu myobo yazo?

41 Ni nde ategurira igikona ivyo kirya+

igihe ibiswi vyaco biguma bitabaza Imana,

bikaguma biyerera irya n’ino kubera vyabuze ico birya?