URURIRIMBO RWA 139
Niwibone mw’isi nshasha
Integuro icapuwe
1. Niwibone, nanj’umbone,
Mw’isi nshasha y’akaroruhore.
Use nk’aho ubibona:
Kwiberah’ata co winona.
Nta mubisha azohaba;
Hazoganz’Imana Segaba.
Ubuzima buzoba bwiza, ncuti.
Tuzoca twikora
mu gahogo duti:
(ICITABIRIZO)
“Yehov’ukoze ibishimisha!
Ehe vyose wabigize bisha!
Mu mutima twuzuy’akanyamuneza;
Ni wewe gusa dukwiye gushemeza.”
2. Ibon’ubu, nanj’umbone;
Eh’isi nshash’ir’imbere yawe.
Nta co wumva, nta c’ubona
Cogutera kugir’ubwoba.
Nk’uko yari yaravuze,
Ihema ryayo ryadupfutse.
Igir’ikangure abari mu mva;
Bazoza turirimbe
twivuy’inyuma:
(ICITABIRIZO)
“Yehov’ukoze ibishimisha!
Ehe vyose wabigize bisha!
Mu mutima twuzuy’akanyamuneza;
Ni wewe gusa dukwiye gushemeza.”
(Raba kandi Zab. 37:10, 11; Yes. 65:17; Yoh. 5:28; 2 Pet. 3:13.)