84 Yehova Nyir’ingabo,+

Mbega ukuntu ihema ryawe rihebuje ari iry’igikundiro!+

 2 Ubugingo bwanjye bwifuje cyane kwibera mu bikari bya Yehova, ndetse ibyo birabuzonga.+

Umutima wanjye n’umubiri wanjye bivugiriza impundu Imana nzima.+

 3 Yemwe n’inyoni yabonye inzu,

Intashya na yo ibona icyari,

Aho yashyize ibyana byayo

Hafi y’igicaniro cyawe gikomeye, Yehova nyir’ingabo, Mwami wanjye kandi Mana yanjye!

 4 Hahirwa abatura mu nzu yawe.+

Bakomeza kugusingiza.+ Sela.

 5 Hahirwa abakuboneraho imbaraga,+

Imitima yabo ikifuza kugendera mu nzira zigana mu nzu yawe.+

 6 Banyura mu kibaya cy’ibihuru bya baka,+

Bakagihindura isoko y’amazi,

Umwigisha+ agahabwa ishimwe.

 7 Bazakomeza kugenda bagwiza imbaraga,+

Buri wese aboneke imbere y’Imana, i Siyoni.+

 8 Yehova Mana nyir’ingabo, wumve isengesho ryanjye;+

Mana ya Yakobo, tega ugutwi.+ Sela.

 9 Mana ngabo idukingira, reba+

Kandi witegereze mu maso h’uwo wasutseho amavuta.+

10 Kuko kumara umunsi umwe mu bikari byawe, biruta kumara iminsi igihumbi ahandi.+

Nahisemo guhagarara ku muryango w’inzu y’Imana yanjye,+

11 Kuko Yehova Imana ari izuba+ akaba n’ingabo ikingira;+

Ni we utanga ubutoni n’icyubahiro.+