• Yeremiya 5:26-28
    Bibiliya y’Ubuhinduzi bw’Isi Nshya

    • 26 Mu bantu banjye harimo ababi.

      Bakomeza gucungacunga nk’abatezi b’inyoni basutamye.

      Batega umutego wica,

      Bakawufatiramo abantu.

      27 Amazu yabo yuzuye uburyarya+

      Nk’umutego wuzuye inyoni.

      Ni yo mpamvu babaye abantu bakomeye n’abakire.

      28 Barabyibushye kandi bafite umubiri unoze.

      Bakora ibibi birengeje urugero.

      Kubera ko baba bashaka inyungu zabo,

      Ntibarenganura impfumbyi.+

      Barenganya umukene.’”+

  • Mika 2:1, 2
    Bibiliya y’Ubuhinduzi bw’Isi Nshya

    • 2 “Bazahura n’ibibazo bikomeye, abagambirira gukora ibibi,

      Bagapanga uko bazakora ibibi bari ku buriri bwabo.

      Iyo bukeye ibyo bintu bibi babishyira mu bikorwa,

      Kuko baba babifitiye ubushobozi.+

       2 Bifuza imirima bakayitwara,+

      Amazu na yo bakayafata.

      Bariganya umuntu inzu ye,+

      Kandi bakamwambura umurage* we.