Mu gihe wumva ubuzima bukurambiye

Urugero, Sallya wo muri Amerika watakaje ibintu hafi ya byose bitewe n’inkubi y’umuyaga yaravuze ati: “Numvaga ibyange birangiriye aho. Numvaga nakwipfira bikarangira.”

Ikindi kigeragezo gikomeye ni ugupfusha uwawe. Janice wo muri Ositaraliya yaravuze ati: “Igihe napfushaga abahungu bange babiri, numvise ari nk’aho umutima wange ucitsemo kabiri. Nabwiye Imana nti: ‘Singishoboye kwihangana. Reka nipfire birangire. Icyampa ngasinzira nkagendera ko!’”

Daniel we yashenguwe n’agahinda igihe umugore we yamucaga inyuma. Yaravuze ati: “Igihe umugore wange yambwiraga ko yanshiye inyuma, numvise ari nk’aho umuntu anteye icyuma mu mutima. Namaze igihe mfite ububabare budasanzwe.”

Iyi gazeti y’Umunara w’Umurinzi igaragaza impamvu ushobora gukomeza kwishimira ubuzima mu gihe

• Habaye ibiza

• Upfushije

• Uwo mwashakanye aguciye inyuma

• Urwaye indwara ikomeye

• Wumva utagishaka kubaho

Reka tubanze turebe icyadufasha kwihangana mu gihe habaye ibiza.