Tube maso kuko imperuka yegereje

IMPAMVU ARI IBY’INGENZI: Vuba aha hazabaho ibintu bizadusaba kugaragaza ubutwari no kwiringira Yehova. Umubabaro ukomeye uzatangirana n’irimbuka ry’idini ry’ikinyoma (Mt 24:21; Ibh 17:16, 17). Muri icyo gihe giteye ubwoba dushobora kuzatangaza ubutumwa bw’urubanza (Ibh 16:21). Nanone Gogi wa Magogi azatugabaho igitero (Ezk 38:10-12, 14-16). Icyo gihe Yehova azatabara abagize ubwoko bwe, akoresheje ‘intambara yo ku munsi ukomeye w’Imana Ishoborabyose’ (Ibh 16:14, 16). Ubwo rero, tugomba gushikama mu gihe duhuye n’ibigeragezo kuko bizadufasha kugira ubutwari mu gihe kizaza.

UKO WABIGERAHO:

• Jya ukurikiza amahame ya Yehova agaragaza ikiza n’ikibi.​—Ye 5:20

• Jya ukomeza kujya mu materaniro.​—Hb 10:24, 25

• Jya wihutira gukurikiza amabwiriza atangwa n’umuryango wa Yehova.​—Hb 13:17

• Jya utekereza ku nkuru zivuga uko Yehova yakijije ubwoko bwe.​—2Pt 2:9

• Jya usenga Yehova kandi umwiringire.​—Zb 112:7, 8

MUREBE AGACE KA VIDEWO IVUGA NGO: “IBINTU BIZABAHO MU GIHE KIRI IMBERE BIZADUSABA KUGIRA UBUTWARI” HANYUMA MUSUBIZE IBI BIBAZO:

• 

  Ni ikihe kigeragezo ababwiriza bahuye na cyo igihe amatorero yahuzwaga?

• 

  Kuki kugira ubutwari bijyana no kumvira?

• 

  Kuki tuzaba dukeneye kugira ubutwari mu gihe k’intambara ya Harimagedoni?

• 

  Ni iyihe nkuru yo muri Bibiliya yadufasha kwizera ko Yehova ashobora kuturinda mu gihe duhuye n’ingorane?​—2Ng 20:1-24