JEWORUJIYA
Nifuzaga guhinduka
Davit Samkharadze
YAVUTSE MU MWAKA WA 1967
ABATIZWA MU WA 1989
ICYO TWAMUVUGAHO: Yabaye umugenzuzi usura amatorero. Kuva mu mwaka wa 2013, yigisha amashuri ya Bibiliya.
MU MWAKA wa 1985, igihe nari mfite imyaka 18, abategetsi b’Abasoviyeti bansabye kujya mu gisirikare. Nabujijwe amahwemo n’akarengane nabonaga mu gisirikare, maze ndibwira nti “sinshaka kumera nka bo.” Icyakora si ko buri gihe nitwaraga nk’uko nabyifuzaga. Nifuzaga guhinduka.
Igihe nagombaga kumara mu gisirikare kirangiye, naratashye. Umunsi umwe ari nimugoroba mvuye mu kirori, nasenze Imana nyisaba kumfasha guhinduka. Bukeye ngiye ku kazi, nanyuze kwa masenge wari Umuhamya wa Yehova. Ninjiye mu nzu, nsanga hari abandi Bahamya bake bari mu materaniro. Banyakiranye urugwiro, ndahaguma ngo numve ibyo bigisha.
Nemeye ko banyigisha Bibiliya, kandi nyuma y’amezi atandatu narabatijwe. Yehova yamfashije kurushaho kuba umuntu mwiza, kandi ibyo sinari kubishobora atamfashije.