Umwami w’umunyabwenge akomeza abwira umuntu ukiri muto agira ati “mwana wanjye, jya wumva icyo so akwigisha, kandi we kureka icyo nyoko agutegeka. Bizakubera imitamirizo y’imbabazi ku mutwe n’imikufi mu ijosi.”​—Imigani 1:8, 9.

Mu by’ukuri, muri Bibiliya yose, umuryango ni rwo rufatiro rw’ibanze rwo gutangiramo uburere (Abefeso 6:1-3). Iyo abana bumvira ababyeyi babo bizera, mu buryo bw’ikigereranyo bibabera nk’aho batamirije imitamirizo y’umurimbo yo kuba bishimirwa, hamwe n’umukufi w’icyubahiro.