Dushobora kwizera tudashidikanya ko Imana itwitaho. Ibyanditswe Byera bigira biti “mbese umugore yakwibagirwa umwana yonsa, ntagirire impuhwe umwana yibyariye? We ashobora kumwibagirwa; ariko jye sinzigera nkwibagirwa!”a

Ese kumenya ibyo ntibiguhumurije? Urukundo rw’Imana ruruta kure cyane urwo umubyeyi urangwa n’impuhwe akunda umwana we, dore ko urwo rukundo rwa kibyeyi ruri mu byiyumvo bikomeye biranga ikiremwamuntu. Imana ntizigera idutererana. Kandi koko, yagiye idufasha mu buryo butangaje. Yabigenje ite? Yabikoze itwereka ko kugira ukwemera nyakuri, biduhesha ibyishimo.