14. Twahumuriza dute abapfushije?

¹⁴ Tuvugishije ukuri, kumenya icyo wabwira umuntu washenguwe n’agahinda ntibyoroshye. Icyakora Bibiliya igira iti “ururimi rw’abanyabwenge rurakiza” (Imig 12:18). Hari benshi babonye mu gatabo Mu Gihe Uwo Wakundaga Apfuye, amagambo ahumuriza bafashisha abandi.c Ariko incuro nyinshi, ikintu cy’ingenzi wakora ni ‘ukurirana n’abarira’ (Rom 12:15). Gaby wapfushije umugabo we yaravuze ati “nta kindi navugaga uretse kurira gusa. Ni yo mpamvu iyo ndira ndi kumwe n’incuti zanjye, numva mpumurijwe. Numva atari jye jyenyine wishwe n’agahinda.”

20. Kuki amasezerano ya Yehova aduhumuriza cyane?

²⁰ Duhumurizwa no kumenya ko Yehova, Imana nyir’ihumure ryose, azavanaho burundu agahinda, igihe ‘abari mu mva bose bazumva ijwi [rya Kristo] bakavamo’ (Yoh 5:28, 29). Bibiliya igira iti “urupfu azarumira bunguri kugeza iteka ryose, kandi Umwami w’Ikirenga Yehova azahanagura amarira ku maso yose” (Yes 25:8). Icyo gihe, abatuye isi yose ntibazongera ‘kurirana n’abarira,’ ahubwo ‘bazishimana n’abishima.’—Rom 12:15.