Milford Sound
ISI N’ABAYITUYE
Twasuye Nouvelle-Zélande
HASHIZE imyaka igera kuri 800 Abamawori bagenze ibirometero ibihumbi mu nyanja, bagiye gutura muri Nouvelle-Zélande. Aho bahasanze ubutaka butandukanye n’ubw’aho bari bavuye mu birwa bya Polynésie. Basanze haba imisozi itwikiriwe n’amasimbi n’urubura kandi hakaba n’amashyuza. Abandi bimukira bahageze nyuma y’imyaka igera kuri magana atanu baturutse mu Burayi. Ubu Nouvelle-Zélande ituwe n’abantu bafite imico yo mu Bwongereza no muri Polynésie. Abaturage baho basaga 90 ku ijana baba mu migi. Umugi wa Wellington ni wo mugi uri hafi y’impera y’isi y’epfo kurusha indi migi yose yo ku isi.
Amashyuza yo ku kirwa cya ruguru
Nubwo Nouvelle-Zélande isa n’iri yonyine, ifite ubwiza nyaburanga bukurura ba mukerarugendo basaga miriyoni eshatu mu mwaka.
Ibi biti bishobora kugira uburebure bwa metero 10
Abantu batekereza ko inyoni zitwa takahe zacitse mu wa 1948
Nouvelle-Zélande irimo amoko menshi y’inyamaswa, urugero nk’inyoni zidashobora kuguruka utasanga ahandi hose ku isi. Muri icyo gihugu haba agasimba kameze nk’umuserebanya, gashobora kuramba imyaka isaga 100. Uducurama n’ibifi binini ni zo nyamabere zonyine ziba muri icyo gihugu.
Abahamya ba Yehova bamaze imyaka igera ku 120 bakorera umurimo wabo muri Nouvelle-Zélande. Babwiriza ubutumwa bwiza mu ndimi zigera kuri 19, harimo indimi gakondo zo muri Polynésie, urugero nk’Ikiniyuwe, Ikirarotonga, Igisamowa n’Igitonga.
Abamawori baririmba bambaye imyenda gakondo