10 “‘Khala cifuyo cinafuna kupereka iye ninga ntsembe yakupiswa ndi bira peno mbuzi,+ asafunika apereke bira imuna peno mbuzi imuna, yakusowa cilema.+ 11 Isafunika kuphiwa kukhundu yakunkwiriro* ya guwa pamaso pa Yahova, pontho ana a Aroni akuti ndi anyantsembe anadzawaza ciropa ca bira peno ca mbuzi mʼmakhundu onsene a guwa ya ntsembe.+

3 “‘Khala nyantsembe wakudzodzwa+ acita madawo+ mbabweresa mulando kuna mbumba, iye anadzapereka kuna Yahova mwanangʼombe wakusowa cilema ninga ntsembe thangwi ya madawo adacita iye.+ 4 Iye anadzaenda na mwanangʼombe pamaso pa Yahova cifupi na pansuwo wa nsasa wa nsonkhano,*+ anadzaikha manja ace pa nsolo pa mwanangʼombe unoyu, mbamupha pamaso pa Yahova.+