Sumana 28 Julho–3 ya Agosto
Umaso Wathu Wacikristu na Utumiki Programu ya Misonkhano—2025 | Julho

SUMANA 28 YA JULHO–3 AGOSTO

MISANGANI 24

Nyimbo 38 na Phembero | Mafala Akutoma (mph. 1)

MPFUMA ZA MAFALA A MULUNGU

1. Wangisani Cikhulupiro Canu Toera Mukwanise Kupirira Nyatwa

(mph. 10)

Khalani audziwisi (Mis. 24:5; Ncenjezi 07.23 tsa. 18 ndima 15)

Mungatsukwala, pitirizani kucita phembero, kuleri Bhibhlya na kugumanika pa misonkhano (Mis. 24:10; Sentinela 15/12/09 tsa. 18 ndima 12-13)

Tingakhala na cikhulupiro cakuwanga na kufuna Yahova pinatiphedza toera tipitirize kukhala na mphambvu tingathimbana na nyatwa (Mis. 24:16; Ncenjezi 12.20 tsa. 15)

Mulongo wakuti ali kuduwala, ali kumwaza mphangwa mwakutsandzaya nyumba na nyumba pabodzi na xamwali wace. Iye ali kupangiza cinthu mwanaciro nyumba cinthu ciri mu thabhuleti yace.

2. Mpfuma Zauzimu

(mph. 10)

3. Kuleri Bhibhlya

(mph. 4) Mis. 24:1-20 (Kuleri na Kupfundzisa pfundziro 11)

PFUNDZISANI MWALUSO MU UTUMIKI

4. Kutomesa Makani

(mph. 2) UMBONI WANTSUSUKANO. Makani anu asamala mbamudzati kupereka umboni. (Funani Anthu nsolo 2 khundu 4)

5. Kutomesa Makani

(mph. 3) NYUMBA NA NYUMBA. (Funani Anthu nsolo 3 khundu 4)

6. Kutomesa Makani

(mph. 3) UMBONI WAPAKWECA. Pangani munthu anacedza na imwe thangwi ya pfundziro ya Bhibhlya, pontho mpaseni kartau inalonga pya pfundziro ya Bhibhlya. (Funani Anthu nsolo 4 khundu 3)

7. Nkhani

(mph. 3) Funani Anthu apendise A khundu 11—Nsolo: Mulungu Asalonga na Ife. (Kuleri na Kupfundzisa pfundziro 6)

KUKHALA M’MASO NINGA AKRISTU

Nyimbo 99

8. Phedzanani m’Midzidzi ya Nyatwa

(mph. 15) Nkhani yakucedza.

Utenda wakuthapulisana, pidengwa pyacibaliro, uviyaviya, nkhondo na kutcingwa panango pinacitika mwakukhonda dikhira. Pinthu pyenepi pingacitika abale na alongo anaphedzana na kuwangisana unango na ndzace. Maseze pinthu pyenepi pikhonde kucitika kuna ife, tisabvera ntsisi abale na alongo athu mbaticita pyonsene pinakwanisa ife toera kuaphedza.—1 Akor. 12:25, 26.

Mafoto: Abale na alongo ali kuphedza abale adagwerwa na pidengwa munjira zakusiyana-siyana. 1. Abale na alongo ali kumanga paswa Nyumba ya Umambo idafudzwa na cidengwa. 2. Abale na alongo ali kutambira mulongo na mwanace adathawa nkhondo ku dziko yawo. 3. Mulongo ali kuikha kobiri m’bokosi mu Nyumba ya Umambo. 4. Abale na alongo ali pa Nyumba ya Umambo, pontho ali kupereka pinthu kuna abale adathawa nkhondo ku dziko yawo. 5. Abale akuperekeka akugawiza magarafa a madzi. 6. M’bale akucita phembero.

Lerini 1 Amambo 13:6 na Tiyago 5:16b. Buluka penepo citani mbvundzo uyu:

  • Thangwi yanji maphembero anacita atumiki a Mulungu thangwi ya anango asaphedza kakamwe?

Lerini Marko 12:42-44 na 2 Akorinto 8:1-4. Buluka penepo citani mbvundzo uyu:

  • Thangwi yanji ndi pyakufunika kucita pyakupereka toera kuphedza abale na alongo athu anafuna ciphedzo, maseze tiri na kobiri yakucepa?

Pangizani VIDHYU Kukhala Akuphatana mu Ndzidzi Wakutcingwa. Buluka penepo citani mibvundzo iyi:

  • Abale athu awangisira toera kucitanji kuti aphedze Akristu andzawo akhakhala m’mbuto zakuti basa yathu ikhakhondeswa ku Europa?

  • Abale abvera tani ntemo wa kusonkhana na kuwangisana unango na ndzace maseze basa yathu ikhakhondeswa?—Aheb. 10:24, 25

9. Pfundziro ya Bhibhlya ya Mpingo

(mph. 30) Pfundzani Mbiri za m’Bhibhlya nsolo 4-5

Mafala Akumalisa (mph. 3) | Nyimbo 112 na Phembero

Misolo ya Ncenjezi
Ncenjezi (Wa Pfundziro)—2025 | Maio

Nsolo wa Pfundziro 21: 28 ya Julho ya 2025–3 ya Agosto ya 2025

14 Sakani Nzinda Wakuti Unakhala Kwenda na Kwenda