34 Buluka penepo Yahova apanga Mose: “Kwata midida ibodzi ene ya mafuta awa akununkhira:+ Mbirira za* miti ya estoraki, za miti ya onika, mafuta akununkhira a galbhano, na mafuta adidi kakamwe a olibhano. 35 Na pinthu pyenepi, khunganya insenso,+ ya pinthu pyakununkhira, pyakubvungazwa mbapikhunganywa mwaluso. Pinadzaikhwa munyu,+ pinadzakhala pyadidi kakamwe na pyakuceneswa. 36 Pinango mwa ipyo usafunika kupipeya mpaka pikhale ninga ufa wadidi kakamwe, pontho pinango usafunika kupiikha mʼBokosi ya Umboni mu tabhernakulo, munafuna kuonekera ine pana iwe. Pisafunika pikhale pyakucena kakamwe kuna imwe.

8 Pidakwata iye bukhu, aanju anai pabodzi na akulu a mpingo 24+ agodama patsogolo pa Mwanabira, mʼbodzi na mʼbodzi wa iwo akhali na arpa na mbale ya ouro idadzala na pyakununkhira. (Pyakununkhira pyenepi pisaimirira maphembero a anthu akucena.)+

3 Anju unango, wakuti akhadaphatirira combo* ca ouro cakupisira pyakununkhira, afika mbalimira cifupi na guwa ya ntsembe.+ Iye apaswa pyakununkhira pizinji+ toera apipise pa guwa ya ouro yakuperekera ntsembe,+ yakuti ikhali patsogolo pa mpando waumambo, mu ndzidzi wakuti anthu akucena akhacita maphembero. 4 Utci wa pyakununkhira pyenepi pyakuti pikhapiswa na anju, pabodzi na maphembero+ a anthu akucena, pikhaenda pamaso pa Mulungu. 5 Mbwenye mwakucimbiza anju akwata combo cakupisira pyakununkhira, acidzadza na makala a moto adakwata iye pa guwa ya ntsembe, mbaciponya pa dziko yapantsi. Penepo, kwabveka kudhima, mafala, kwaonekambo kucetuma+ na citeketeke.