10 Usafunika kusankhula Aroni na anace, pontho iwo asafunika aphate mabasa+ awo a unyantsembe; munthu wakukhonda tawiriswa* angafendedza dhuzi asafunika kuphiwa.”+

7 Iwe na anako ndimwe mudapaswa basa ya unyantsembe inacitwa pa guwa ya ntsembe na pinthu piri kuntsi kwa nguwo ikulu,*+ imwe musafunika kuphata basa+ ineyi. Ine ndakupasani basa ya unyantsembe ninga muoni kuna imwe, pontho munthu onsene wakukhonda tawiriswa* angafendedza dhuzi, asafunika kuphiwa.”+

16 Mbwenye pidakhala iye wamphambvu, adzakhala wakudzikuza kakamwe, pyakuti mbapidancitisa kufudzwa, pontho iye adawa kuna Yahova Mulungu wace pidapita iye mu templo ya Yahova toera kupisa insenso pa guwa ya insenso.+ 17 Mwakucimbiza, nyantsembe Azariya na anyantsembe anango a Yahova a cipapo akukwana 80, apita muna iye. 18 Iwo athimbana na Mambo Uziya, mbampanga: “Mambo Uziya, imwe nee musafunika kupisa insenso kuna Yahova!+ Basi ene ndi anyantsembe asafunika kupisa insenso, thangwi ndi a dzindza ya Aroni,+ pontho iwo aceneswa. Bulukani mu mbuto yakucena, thangwi mwadawa, pontho nee munatambira mbiri ya Yahova Mulungu thangwi ya pidacita imwe.”