4 Natenepa, Samisoni aenda kaphata anambwa a ntsanga 300. Buluka penepo, akwata anambwa a ntsanga anewa mbaamanga micira awiri-awiri, pontho amangirira nkhuni pa micira ineyi. 5 Penepo iye aphatisa moto pa nkhuni zidamangirira iye anambwa a ntsanga, mbaasiya toera aende mʼminda ya pyakudya ya Afilisti. Iye apisa pyakudya pyonsene, pidabvunwa na pidakhonda kubvunwa, kuphatanizambo minda ya mauva na ya milivera.